Авлигатай тэмцэх газраас томилогдсон ажлын хэсэг Дархан-Уул аймагт ажиллаж, Авлигатай тэмцэх газраас аймаг, нийслэл, сум, дүүргийн иргэдийн Төлөөлөгчдийн Хурлын шинээр сонгогдсон төлөөлөгчдөд авлигын эсрэг хууль тогтоомжийг сурталчлан таниулах, авлигаас урьдчилан сэргийлэх чиглэлээр заавар зөвлөгөө өгөх, мэргэжил арга зүйн удирдлагаар хангах, авлигын эсрэг соён гэгээрүүлэх өдөрлөг, арга хэмжээг 2024 оны 12 дугаар сарын 6-ны өдөр зохион байгууллаа.

Авлигын эсрэг олон улсын өдрийг тохиолдуулан зохион байгуулсан уг сургалтад Дархан, Орхон, Шарын гол, Хонгор сумын ИТХ-ын төлөөлөгчид болон нийтийн албаны удирдах албан тушаалтнууд хамрагдлаа. Сургалтаар Авлигатай тэмцэх үндэсний хөтөлбөрийн зорилго, зорилт үйл ажиллагааг танилцуулж, авлигын эсрэг хууль тогтоомжийн талаарх мэдлэг ойлголтыг дээшлүүлэх, авлига, ашиг сонирхлын зөрчлөөс урьдчилан сэргийлэх, анхаарах асуудлын талаар мэдээлэл өгөв.