Шинжлэх ухааны академийн дэргэдэх Эрх зүйн шинжлэх ухааны докторын зэрэг хамгаалуулах эрдмийн зөвлөлийн хурал 2024 оны 12 дугаар сарын 23-ны өдөр болов.

Уг зөвлөлөөр Авлигатай тэмцэх газрын хэлтсийн дарга, эрхэлсэн комиссар Р.Баярмагнайн “Гэмт хэргийг гүйцэтгэх ажлаар илрүүлэхэд хиймэл оюун ухаан ашиглах онол, арга зүй” сэдэвт Хууль зүйн шинжлэх ухааны докторын зэрэг горилсон бүтээлийг шүүн хэлэлцэж, Эрдмийн зөвлөлийн гишүүдийн 93.7 хувийн саналаар Хууль зүйн шинжлэх ухааны докторын зэрэг олгохоор шийдвэрлэлээ.