Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2024 оны 12 дугаар сарын 16-20-ны өдрүүдэд авлигын шалтгаан, нөхцөлийг арилгах чиглэлээр Батлан хамгаалах яам, Сангийн яам, Байгаль орчин уур амьсгалын өөрчлөлтийн яам, Санхүүгийн мэдээллийн технологийн төв, Нийслэлийн эрүүл мэндийн төв зэрэг байгууллагын үйл ажиллагаанд хамаарах дүрэм, журмыг хянаж, дүн шинжилгээ хийж ажиллав.

Соён гэгээрүүлэх чиглэлээр Хүүхэлдэйн театртай хамтран ерөнхий боловсролын 2-5 дугаар ангийн 453 хүүхдэд “Хаалган хадны нууц” хүүхэлдэйн оролцоот хүүхдийн жүжиг, их дээд сургуулиудын оюутнуудын дунд “Түлхүүр” уралдааныг тус тус зохион байгууллаа.  

Өнгөрсөн долоо хоногт авлигын эсрэг сургалтад 2186 иргэн, албан тушаалтныг хамруулав.