Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2025 оны 03 дугаар сарын 10-14-ний өдрүүдэд авлигын шалтгаан нөхцөлийг илрүүлэн тогтоох, тэдгээрийг арилгах, авлигын үйлдлийг таслан зогсоох, үр дагаврыг арилгах, ил тод, нээлттэй байдалд дүн шинжилгээ хийх ажлын хүрээнд Боловсролын зээлийн сан, Төрийн худалдан авах ажиллагааны газар, Хавдар судлалын үндэсний төв, Цаг уур, орчны шинжилгээний газар, Сүхбаатар дүүргийн Засаг даргын тамгын газарт ажиллав.

Засгийн газрын хэрэг эрхлэх газар, Хот байгуулалт, барилга, орон сууцжуулалтын яам, Сангийн яам, “Барилгын хөгжлийн төв” ТӨҮГ зэрэг байгууллагуудад авлигаас урьдчилан сэргийлэх зөвлөмжийг хүргүүлэв.

Өнгөрсөн долоо хоногт авлигын эсрэг сургалтад 2990 иргэн, албан тушаалтныг хамруулав.