Авлигатай тэмцэх газрын Урьдчилан сэргийлэх, соён гэгээрүүлэх хэлтсээс авлигын нийгмийн хор аюулыг олон нийтэд ухуулан сурталчлах ажлыг тасралтгүй явуулах, олон нийтийн авлигын талаарх мэдлэгийг дээшлүүлэх, түүнтэй тэмцэх арга барилд сургах хүрээнд Хаан банкны 900 гаруй удирдах албан тушаалтныг 9 удаагийн сургалтад хамруулав.

Сургалтыг ярилцлага хэлбэрээр зохион байгуулсан бөгөөд авлигын тухай ойлголт, авлига үүсэх шалтгаан нөхцөл, хор хөнөөл, Эрүүгийн хууль болон ашиг сонирхлын зөрчлийн тухай хууль тогтоомж, зээл олгох үйл ажиллагаанд авлигаас урьдчилан сэргийлэх, ёс зүйн асуудлаар бодит жишээнд тулгуурлан ярилцлаа.