Авлигатай тэмцэх газрын Урьдчилан сэргийлэх, соён гэгээрүүлэх хэлтэс нь 2025 оны 08 дугаар сарын 18-22-ны өдрүүдэд авлигын шалтгаан, нөхцөлийг арилгах чиглэлээр Байгаль орчин, уур амьсгалын өөрчлөлтийн яам, Барилга, хот байгуулалт, орон сууцжуулалтын яаманд хамаарах тушаал, дүрэм, журмыг хянаж, дүн шинжилгээ хийлээ.

Ашигт малтмал газрын тосны газар, Байгаль орчин, уур амьсгалын өөрчлөлтийн  яамны харьяа Ойн газар, Соёл, спорт, аялал жуулчлалын яам, Спортын анагаах ухаан, эрдэм шинжилгээний төв улсын төсөвт үйлдвэрийн газруудад хүргүүлсэн зөвлөмжүүдийн хэрэгжилтэд хяналт тавьж ажиллав.

Авлигын хор уршгийг ухуулан таниулах, авлигыг үл тэвчих үзлийг төлөвшүүлэх зорилгын хүрээнд Налуу-Ухаа эдийн засгийн тусгай бүс төрийн байгууллагын 6 албан хаагч нарт авлигын ойлголт, шалтгаан, хор хөнөөл, Авлигатай тэмцэх үйл ажиллагаа сэдвээр танхимын сургалтыг зохион байгууллаа.