Авлигатай тэмцэх газраас Авлигын эсрэг хуулийн 18 дугаар зүйлийн 18.1.5 дахь “авлигын нийгмийн хор аюулыг олон нийтэд ухуулан сурталчлах ажлыг тасралтгүй явуулах, олон нийтийн авлигын талаарх мэдлэгийг дээшлүүлэх, түүнтэй тэмцэх арга барилд сургах ажлыг зохион байгуулах чиглэлээр сургалт, сурталчилгаа хийх” заалтын хүрээнд Дотоод хэргийн их сургуулийн сонсогчдод авлигын эсрэг сургалт зохион байгууллаа.

Сургалтад Авлигатай тэмцэх газрын Урьдчилан сэргийлэх, соён гэгээрүүлэх хэлтсийн ажилтан, комиссар М.Жамъянчойжил “Авлигын хор хөнөөл” сэдвээр мэдээлэл өгсөн бөгөөд Дотоод хэргийн их сургуулийн бүрэлдэхүүн сургууль болох Ахлагчийн сургууль, Онцгой байдлын сургууль, Хилийн албаны сургууль, Цагдаагийн сургууль, Шүүхийн шийдвэр гүйцэтгэлийн сургуулийн 617 сонсогч, оюутан хамрагдав.