Авлигатай тэмцэх газрын Судалгаа шинжилгээний алба нь 2026 оны 4 дүгээр сарын 27-ноос 5 дугаар сарын 1-ний өдрүүдэд иргэн, хуулийн этгээдээс ирүүлсэн 96 өргөдөл, гомдлыг хүлээн авч, харьяалах чиг үүргийн нэгжид хүргүүллээ.

Хүлээн авсан өргөдөл, гомдол, мэдээллийн 44.9 хувь нь гэмт хэргийн шинжтэй байх бөгөөд төсвийн хөрөнгийн зарцуулалттай холбоотой гомдол давамгайлж байна. Өмнөх хугацааны үлдэгдэл болон шинээр нэмэгдсэн нийт 341 өргөдөл, гомдлын 79-ийг шийдвэрлэж, хариуг холбогдох этгээдэд хүргүүлсэн байна.

Өнгөрсөн долоо хоногт авлигыг мэдээлэх 1-110 тусгай дугаараар 96 дуудлага хүлээн авав.