Авлигатай тэмцэх газрын албан хаагчид жил бүр уламжлал болгон зохион байгуулдаг “Улаанбаатар марафон 2026” олон улсын гүйлтэд оролцов.

Гүйлтийн спортыг хөгжүүлэх, идэвхтэй амьдралын хэв маягийг түгээн дэлгэрүүлэх зорилготой “Улаанбаатар марафон”-ыг энэ жил “Алхам бүр ёс зүйтэй, амжилт бүр үнэ цэнтэй” уриан дор зохион байгуулж байна.

10, 21, 42 км болон эрүүл мэндийн, гэр бүлийн гэсэн үндсэн 5 төрлөөр зохион байгуулж буй “Улаанбаатар марафон 2026” гүйлтэд нийт 46 мянга гаруй хүн оролцсон бөгөөд Авлигатай тэмцэх газрын ахлах комиссар Э.Баатархүү, С.Батзориг, ажилтан комиссар Б.Батхуяг, Ц.Анхбаяр нар 21 км-т, ажилтан комиссар Б.Эрдэнэ-Очир 42 км-т гүйж, бариандаа амжилттай орлоо.