Бүгд Найрамдах Конго Улсын ерөнхийлөгч Дени Сасу-Нгессогийн гэр бүлийн гишүүд мөнгө угаасан хэрэгт буруутай гэж үзсэн Парисын шүүхийн шийдвэрийг давж заалдахаар болсон талаар тэдний өмгөөлөгч мягмар гарагт OCCRP-д мэдэгдэв.

Энэ нь Конго улсад төрийн худалдан авах ажиллагаатай холбоотой хөрөнгө завшсан, мөнгө угаасан схемтэй холбоотой юм. Шүүхийн дүгнэлтийн дагуу Конгогийн засгийн газар 2013 онд тус компанид зайлшгүй шаардлагатай эмийг худалдан авахад зориулж нийт 2,3 сая евро буюу 2,7 сая ам.доллар (9,6 тэрбум төгрөг) төсөвлөсөн байна.

Гэвч дээрх хөрөнгийн 1,4 сая евро буюу 1,6 сая ам.доллар (5,9 тэрбум төгрөг)-ыг бэлнээр гаргуулан авч, дараа нь хувийн халхавч компаниар дамжуулан ойролцоогоор 610,0 мянган евро (2,6 тэрбум төгрөг)-гоор Франц улсад 960,000 еврогийн үнэ бүхий үл хөдлөх хөрөнгө худалдан авахад зарцуулжээ.

"Итгэл эвдэн завшсан, хөрөнгийн гарал үүслийг нуун далдалсан" гэж шүүхийн тодорхойлсон хэрэгт Парисын эрүүгийн шүүх Конго улсын ерөнхийлөгчийн зээ охин Эмилиен Инес Муэбара Нгессо болон түүний нөхөр Хабиб Лэндри Гансуи нарыг буруутай гэж дүгнэв. Мөн тэдний 880,0 мянган евро буюу 1 сая ам.доллар (3,8 тэрбум төгрөг)-ын Франц дахь үл хөдлөх хөрөнгийг хураах болон 39,0 мянган еврог хуурамчаар хадгалсан талаар шүүх шийдвэрлэлээ.

Шүүхийн шийдвэрийг эсэргүүцэн Конго улсын ерөнхийлөгчийн гэр бүл давж заалдахаа мэдэгдэж байна. 

ХӨРӨНГИЙН ЗАРЦУУЛАЛТЫН СХЕМ