Авлигатай тэмцэх газрын дэргэдэх Олон нийтийн зөвлөлийн гишүүдийг томиллоо


2017/08/29  350   0


Монгол Улсын Ерөнхийлөгч Х.Баттулга захирамж гаргаж Авлигатай тэмцэх газрын дэргэдэх орон тооны бус Олон нийтийн зөвлөлийн гишүүдийг томиллоо.

Авлигатай тэмцэх газрын дэргэд авлигатай тэмцэхэд олон нийтийг идэвхтэй оролцуулах, тэдний санал бодлыг хүргэх, авлигын нөхцөл байдал, Авлигын эсрэг хууль тогтоомжийн хэрэгжилтэд зөвлөмж өгөх зорилго бүхий орон тооны бус олон нийтийн зөвлөл 15 хүний бүрэлдэхүүнтэй, 4 жилийн бүрэн эрхтэйгээр ажилладаг бөгөөд Монгол Улсын Ерөнхийлөгчийн захирамжаар байгуулагддаг юм.

Ерөнхийлөгчийн захирамжийг Монгол Улсын Ерөнхийлөгчийн Тамгын газрын дарга З.Энхболд уншин танилцуулж Авлигатай тэмцэх газрын дэд дарга Ц.Нямдоржид гардуулан өгөв.

Монгол Улсын Ерөнхийлөгчийн захирамжаар Авлигатай тэмцэх газрын дэргэдэх орон тооны бус Олон нийтийн зөвлөлийн бүрэлдэхүүнд дараах хүмүүсийг гишүүнээр томилжээ. Үүнд:

  1. Билэгсайханы Анхныбаяр    “Легитимус” ТББ-ын хуулийн зөвлөх, хуульч
  2. Гэлэгийн Баасан                      Монголын хуульчдын холбооны гишүүн, өмгөөлөгч
  3. Эгээзэдийн Батсуурь              “Шинэ Улаанбаатар” ТББ-ын Удирдах зөвлөлийн гишүүн
  4. Раднаагийн Бурмаа                  Улс төр боловсролын академийн Удирдах зөвлөлийн гишүүн
  5. Эрдэнэхүүгийн Бямбацэрэн   “Нарны зон” НҮТББ-ын тэргүүн
  6. Батхуягийн Ганхөлөг              “Хамтын халуун сэтгэл” ТББ-ын Удирдах зөвлөлийн гишүүн
  7. Дэлгэрийн Дэлгэрбат              “Алтан элч” гэр бүлд эрх зүйн туслалцаа үзүүлэх төв ТББ-ын төлөөлөл
  8. Ишжамцын Мөнхжаргал        Монголын малчид, мал аж ахуйн үйлдвэрлэл эрхлэгчдийн холбооны тэргүүлэгч
  9. Дэмбэрэлийн Оросоо             Хууль зүйн мэдээлэл, судалгааны хамтын ажиллагааны нийгэмлэгийн Удирдах зөвлөлийн гишүүн
  10. Содномын Отгонгэрэл           Техник, загвар зохион бүтээгч спортын холбооны Удирдах зөвлөлийн гишүүн
  11. Цэдэвдамбын Оюунгэрэл      “Нутгийн шийдэл сан” ТББ-ын тэргүүн, ном зохиогч
  12. Дашпүрэвийн Пүрэвбаатар    Монголын хуульчдын холбооны гишүүн, өмгөөлөгч
  13. Агваандоржийн Саруул         “Шууд ардчилал хүрээлэн” ТББ-ын захирал
  14. Ойдовын Цоодол                    МоАХ-ны Удирдах зөвлөлийн гишүүн
  15. Батчулууны Энхбат                “Либерал хаус” бодлогын судлалын хүрээлэнгийн Удирдах зөвлөлийн гишүүн

Монгол Улсын Ерөнхийлөгчийн Тамгын газрын дарга З.Энхболд энэ үеэр Авлигатай тэмцэх газрын дэргэдэх Олон нийтийн зөвлөлийн ажиллах журмыг шинэчлэхээр болсныг хэлээд Олон нийтийн зөвлөлийн гишүүдийг  ажиллах боломжоор хангаж өгөхийг Авлигатай тэмцэх газрын дэд дарга Ц.Нямдорж, Тамгын хэлтсийн дарга З.Баасанням нарт даалгалаа.

Авлигатай тэмцэх газрын дэргэдэх Олон нийтийн зөвлөл анхны хурлаа хийж Монголын хуульчдын холбооны гишүүн, өмгөөлөгч Г.Баасанг даргаараа томиллоо.

Сэтгэгдэл бичих


АТГ ямар гэмт хэрэг, зөрчлийн талаарх
гомдол, мэдээллийг авах вэ?

Авлигатай тэмцэх газар нь ямар гэмт хэрэг,
зөрчлийн талаарх гомдол, мэдээллийг хүлээн авдаг
тухай эндээс танилцана уу.

Дэлгэрэнгүй

Цахим
Хэлэлцүүлэг

ОДОО ХЭЛЭЛЦЭГДЭЖ БУЙ:
АВЛИГАТАЙ ТЭМЦЭХ ГАЗРЫН 2016 ОНЫ ЭХНИЙ ХАГАС
ЖИЛИЙН ТАЙЛАН

санал өгөх