ОХУ-ын авлига хамгийн өргөн тархсан 10 бүс нутгийн жагсаалтыг гаргажээ


2020/07/01  312   0


ОХУ-ын Ерөнхий прокурорын газраас тус улсын авлига хамгийн өргөн тархсан бүс нутгийн жагсаалтыг гаргасан талаар “РИА Новости” агентлагаас мэдээлсэн байна.

Дээрх мэдээлэлд дурдсанаар 2019 онд ОХУ-д авлигын түвшин өссөн дүнтэй гарсан байна. Тухайлбал өнгөрсөн онд 100 мянган хүнд ногдох авлигын гэмт хэргийн хувь 21.1 болсон ба 2018 онд уг үзүүлэлт 20.8 хувь байжээ.

Авлига хамгийн өргөн тархсан бүс нутгийн жагсаалт:

  • Мордовын Бүгд найрамдах улс;
  • Чувашийн Бүгд найрамдах улс;
  • Камчаткын хойг;
  • Архангельск муж;
  • Брянск муж;
  • Магадан муж;
  • Новгород муж;
  • Оренбург муж;
  • Саратов муж;
  • Тюмень муж.

Дээр дурдсан бүс нутагт 100 мянган хүнд ногдох авлигын гэмт хэргийн хувь 26,31-29,68 байна.

Авлига бага тархсан бүс нутгууд:

  • Ингушийн Бүгд найрамдах улс;
  • Хакасын Бүгд найрамдах улс;
  • Алтайн хязгаар;
  • Вологода муж;
  • Москва муж;
  • Мурманск муж;
  • Пензь муж;
  • Санкт-Петербург хот;
  • Севастополь хот;
  • Ямало-Ненецийн өөртөө засах тойрог.

Эдгээр бүс нутагт авлигын гэмт хэргийн хувь 6,41-9,94 байна.

Ерөнхий прокурор Игорь Красновын танилцуулсан илтгэлд төсвийн хөрөнгийг зарцуулах, худалдан авалт хийх, эд хөрөнгө захиран зарцуулах, хяналт шалгалт хийх, хууль хяналтын үйл ажиллагаа явуулах, орон сууц, нийтийн аж ахуйн үйлчилгээнийн үйл ажиллагаанд авлигатай холбоотой гэмт хэрэг түлхүү гарч байгаа талаар дурджээ.

ОХУ-д авлигын гэмт хэргийн түвшин 2 жил дарааллан өссөн, худалдан авах ажиллагаатай холбоотой гэмт хэрэг 2 дахин, хээл хахуулийн хэрэг 11 %-иар тус тус нэмэгдсэн, түүнчлэн авлигатай холбоотойгоор албан тушаалтнуудын олсон хөрөнгийн хэмжээ жилийн хугацаанд 70 дахин өсч 2019 онд 20 тэрбумаас давсан талаар Ерөнхий прокурор И.Краснов өмнө нь мэдээлж байсан.

Эх сурвалж

БНХАУ-д төрийн албан тушаалтанд авлигын хэргээр ял оногдуулжээ

БНХАУ-ын төвийн бүсэд байрлалтай Хунань мужийн Чэнчжоу хотын Ардын шүүхээс тус улсын чанарын хяналт шалгалт, хорио цээр хариуцсан төрийн төв байгууллагын дэд дарга асан Вэй Чуаньчжунуг авлигын хэргээр бүх насаар нь хорих шийтгэл оногдуулсан талаар 6 дугаар сарын 19-нд “Синьхуа” агентлагаас мэдээлсэн байна.

Шүүхээс түүний бүх эд хөрөнгө, олсон орлогыг хураан авч улсыг хохиролгүй болгох шийдвэр гарсан. Тэрээр уг албан тушаалыг хашиж байхдаа хууль зөрчин тусгай зөвшөөрөл олгосон, худалдан авах ажиллагааны сонгон шалгаруулалтад оролцсон мөн хууль бус томилгоо хийж байсан үйлдлийнхээ төлөө нэг биш удаа бэлэн мөнгө, бэлэг авч байжээ.

Ардын шүүхээс Вэй Чуаньчжуну нь нийт 123 сая юань /17,3 сая гаруй ам.доллар/-ийг авлигын замаар олсныг тогтоожээ.

Эх сурвалж

Сэтгэгдэл бичих


АТГ ямар гэмт хэрэг, зөрчлийн талаарх
гомдол, мэдээллийг авах вэ?

Авлигатай тэмцэх газар нь ямар гэмт хэрэг,
зөрчлийн талаарх гомдол, мэдээллийг хүлээн авдаг
тухай эндээс танилцана уу.

Дэлгэрэнгүй

Цахим
Хэлэлцүүлэг

ОДОО ХЭЛЭЛЦЭГДЭЖ БУЙ:
АВЛИГАТАЙ ТЭМЦЭХ ГАЗРЫН 2019 ОНЫ ҮЙЛ АЖИЛЛАГААНЫ
ТАЙЛАН

санал өгөх