Тайландын Авлигатай тэмцэх үндэсний комисс ял шийтгэлтэй этгээдийг Хууль зүйн сайдын зөвлөхөөр томилох гэж байгааг эсэргүүцлээ


2020/06/30  64   0


Тайланд Улсын Авлигатай тэмцэх үндэсний комисс Тээврийн яамны төрийн нарийн бичгийн дарга асан, хорих ял шийтгэл эдэлж байгаад өнгөрсөн онд суллагдсан Супож Сапломыг Хууль зүйн сайдын зөвлөхөөр томилох гэж байгааг хатуу эсэргүүцсэн байна.

Томилгоотой холбогдуулан Авлигатай тэмцэх үндэсний комиссоос 2020 оны 6 дугаар сарын 21-ний өдөр Хууль зүйн сайдад хаяглан албан бичиг хүргүүлж, хууль сахиулагч хүн аливаа байдлаар ял шийтгэл эдэлсэн байж болохгүй гэж нийгмийн зүгээс харж байгаа гэв. Авлигын хэрэгт ял эдэлж байсан хүнийг Дэд бүтцийн хөгжил, ял шийтгэгдэж байсан хүмүүсийг хүмүүжүүлэх дэд хорооны даргаар томилох гэж байгааг хатуу шүүмжлэн, байж боломгүй зүйл гэж бичсэн байна.

Супож нь үйлдвэрийн үл хөдлөх хөрөнгийг эрхлэн зохицуулах журмыг боловсруулах ажлыг хариуцан ажилладаг байсан бөгөөд хөрөнгийн мэдүүлэгтээ Волксваген Каравэл маркийн тээврийн хэрэгслээ мэдүүлээгүй гэх үндэслэлээр 10 сарын хорих ялаар шийтгэгдэж байжээ.

Эх сурвалж


Авлигын хэрэгт холбогдсон Ираны шүүгчийн цогцос олджээ

Иран Улсад авлига болон хүний эрх зөрчсөн хэргээр шалгагдаж байсан шүүгч өнгөрсөн баасан гарагт Бухарест хотын зочид буудалд нас барсан байдалтай олдсон байна.

Өнгөрсөн онд Иран улсыг орхин зугтсан Голамреза Мансури гэгч болон хэд хэдэн шүүгчтэй холбоотой өндөр түвшний авлигын хэргийн шүүх хурал 2020 оны 6 дугаар сарын 07-ны өдөр эхэлжээ.

Румын Улсын Цагдаагийн алба Мансуриг 06 сарын эхээр баривчилсан бөгөөд түүнийг нутаг буцаах эсэхийг ирэх сард шүүхээр хянан шийдвэрлэхээр байсан юм.

Цагдаагийн албаныхан зочид буудлын үйлчлүүлэгч өндөр давхар дээрээс унаж, нас барсан байна гэсэн дуудлагын дагуу ирсэн бөгөөд 52 настай, гадаад улсын иргэнийг гэмт хэрэг үйлдсэн гэх үндэслэлээр шүүхийн хяналтанд байсан болохыг мөн түүний үхлийн шалтгааныг олж тогтооно гэж мэдээлжээ. Мансури шүүхийн хатуу хяналтан дор 30 хоног байх ёстой байсан бөгөөд шүүхээс 7 дугаар сарын 10-ны өдөр нутаг буцаах эсэх асуудлыг нь шийдэх байсан юм.

Хил хязгааргүй сэтгүүлчдийн нийгэмлэгээс Мансуриг 2013 онд 20 орчим сэтгүүлчийг баривчлан, тарчлаан зовоосон талаар ХБНГУ-д гомдол гаргасан бөгөөд тэр даруйд нь Мансури Германаас Румын руу оргон зугтсан ажээ.

Эх сурвалж


Сэтгэгдэл бичих


АТГ ямар гэмт хэрэг, зөрчлийн талаарх
гомдол, мэдээллийг авах вэ?

Авлигатай тэмцэх газар нь ямар гэмт хэрэг,
зөрчлийн талаарх гомдол, мэдээллийг хүлээн авдаг
тухай эндээс танилцана уу.

Дэлгэрэнгүй

Цахим
Хэлэлцүүлэг

ОДОО ХЭЛЭЛЦЭГДЭЖ БУЙ:
АВЛИГАТАЙ ТЭМЦЭХ ГАЗРЫН 2019 ОНЫ ҮЙЛ АЖИЛЛАГААНЫ
ТАЙЛАН

санал өгөх