Таван хүнийг хүхрийн хүчлийн халдлагад буруутган яллав


2019/06/14  853   0


Украйн улсын авлигын эсрэг тэмцэгч Екатерина Гандзюкийг хүхрийн хүчлээр хөнөөсөн үйл явдалтай холбогдуулан 5 хүнийг хорих ялаар шийтгэжээ.

Дээрхи халдлага тус улсын өмнөд хэсэгт орших Херсон хотод өнгөрсөн онд үйлдэгдэж, халдлагын хохирогч Екатеринагийн биеийн 30 хувь түлэгдэн, 16 удаагийн мэс засалд орсон ч гурван сарын дараа буюу 11 дүгээр сард 33 насандаа таалал төгссөн юм.

Херсон хотын захирагчийн зөвлөхөөр ажиллаж байсан түүнийг авлигын эсрэг дуугарагч, ой, ногоон орчны хууль бус ашиглалтын эсрэг тэмцэгч гэдгээр нь олон улсад мэддэг билээ.

Харин өнгөрсөн Пүрэв гараг (06/VI)-т тус улсын шүүхээс халдлагыг үйлдсэн 5 этгээдэд 3-6.5 жилийн хорих ялаар шийтгэх шийдвэр гаргасан байна. Ингэхдээ уг халдлагыг зохион байгуулсан Серхий Турбин болон халдлагыг гардан гүйцэтгэсэн Микита Храбчук нарыг хамгийн их буюу 6 жилээр, хамтрагчид болох Виктор Хорбунов, Володимир Васьянович, Вячеслав Вищневски нарыг 3-аас 4 жил хорихоор шийдвэрлэжээ.  

Дээрхи таван этгээд нь шүүхийн шийдвэрээс өмнө бүгд гэм буруутайгаа хүлээн зөвшөөрч, прокурорын бичигт гарын үсгээ зураад байсан бол олон нийтийн цахим сүлжээ Фэйсбүүкээр уг хэргийн захиалагчийг олж, нийтэд ил болгохыг шаардсан үйл явц өрнөсөөр байгаа юм.

Эх сурвалж

Сэтгэгдэл бичих


АТГ ямар гэмт хэрэг, зөрчлийн талаарх
гомдол, мэдээллийг авах вэ?

Авлигатай тэмцэх газар нь ямар гэмт хэрэг,
зөрчлийн талаарх гомдол, мэдээллийг хүлээн авдаг
тухай эндээс танилцана уу.

Дэлгэрэнгүй

Цахим
Хэлэлцүүлэг

ОДОО ХЭЛЭЛЦЭГДЭЖ БУЙ:
АВЛИГАТАЙ ТЭМЦЭХ ГАЗРЫН 2016 ОНЫ ЭХНИЙ ХАГАС
ЖИЛИЙН ТАЙЛАН

санал өгөх