Тус хэлтэс 2019 оны эхний хагас жилд шинээр хүлээн авсан 141, өмнөх оны үлдэгдэл 79, нийт 220 албан тушаалтны ХАСХОМ-ийг хянан шалгахаар хүлээн авснаас 191 мэдүүлгийг шалгасан.
2019 оны эхний хагас жилд шалгасан ХАСХОМ-ийг өмнөх оны мөн үетэй харьцуулбал 58 буюу 41,1 хувиар илүү мэдүүлэг шалгасан байна.
Тайлант хугацаанд ХАСХОМ-ийн хяналт шалгалтаар нийт 25 албан тушаалтанд хуульд заасан хариуцлага тооцуулсан нь өмнөх оны мөн үеийнхтэй харьцуулбал 18-аар их буюу 72%-иар өссөн үзүүлэлттэй байна.
Хариуцлага тооцуулсан байдлыг авч үзвэл, 2 албан тушаалтанд сануулах, 17 албан тушаалтанд албан тушаалын цалин бууруулах, 6 албан тушаалтанд ажлаас халах хариуцлага тус тус оногдуулсан байна.
Тус хэлтсээс шалгасан буюу хариуцлага тооцуулсан албан тушаалтны ХАСХОМ-ийг харьцуулсан судалгаа:
2019 оны эхний хагас жилд бүх шатны шүүгч нар, Монголбанк, Санхүүгийн зохицуулах хороо, Төрийн өмчийн бодлого, зохицуулалтын газар, Төрийн болон төрийн өмчийн оролцоотой аж ахуйн нэгжийн удирдах болон гүйцэтгэх албан тушаалтнууд зэрэг нийт 141 албан тушаалтны ХАСХОМ-ийг нарийвчлан шалгасан байна.
