Жолооны шалгалт авдаг этгээдүүд буюу байцаагч нар хээл хахууль авч шалгалтдаа тэнцэх шаардлага хангаагүй хүмүүсийг тэнцүүлэх, мөн бусад сурагчдыг шалгалтад унагаана гэж айлган сүрдүүлж байгааг Өмнөд Австралийн Авлигатай тэмцэх Комиссар мэдэгдлээ.
§ Нийтийн шударга ёсыг хамгаалах албанд эрх бүхий шалгагчийн үйл ажиллагаатай холбоотой 40 гаруй гомдол ирсэн байна
§ АТК-ын шалгалтаар жолооны багш нар авлига авч байсныг тогтоожээ
§ Олон үндэстэн ястны нийгэмд хээл хахууль илүүтэй түгээмэл байдаг талаар дурджээ
Мягмар гарагт Олон нийтийн шударга байдлын албанд жолооны шалгалт авдаг эрх бүхий байцаагчийн үйл ажиллагааны талаар 40 гаруй гомдол, мэдээлэл хүлээн авсны дараа АТК Ванстоун Өмнөд Австралийн жолооны эрх олгодог салбарын талаар санаанд оромгүй тайланг гаргажээ.
Уг тайланд багш, сурган хүмүүжүүлэгч нарт хээл хахууль өгөх явдал Өмнөд Австралид "өргөн тархсан" болохыг дурдсан байна.
АТК Хатагтай Ванстоун "Манай офицерууд суралцагчдад байцаагч нар хэрэв тэдэнд 3,000.39 доллар өгвөл жолооны шалгалтад чинь баталгаатай тэнцүүлж өгнө гэх саналыг тавьж байсан тухай мэдээллийг авсан” талаар мэдэгджээ.
Мөн нэг байцаагч нь 2,200.41 долларын хураамж төлөхгүй бол суралцагчийг шалгалтад унагана гэж сүрдүүлж байсан тухай гомдол бий.
Бусад тохиолдлуудаас дурдвал суралцагч шалгалтад тэнцээгүй тохиолдолд байцаагч нь 500.42 хүртэл доллароор тэнцүүлж өгөх тухай санал болгосон гэх гомдол бас ирсэн.
Зарим шалгагч нар шалгалтын үеэр хурдны хязгаарлалт эсхүл заасан маршрутын дагуу явсан эсэх нь тодорхойгүй буюу "шаардагдах бүх даалгаврыг биелүүлээгүй" суралцагчдыг тэнцүүлсэн болохыг илрүүлсэн байна.
Өөр маргаан нь шалгалтын явцад хөндлөнгөөс оролцож торомз гишгэж өгч оюутнуудад туслалцаа үзүүлж тэдэнд жолоочийн эрхийн зөвшөөрөл олгосон" талаар дурджээ.
Үүний хамгийн ноцтой үр дагавар бол олон нийтийн дунд зохих ур чадваргүй жолооч нар замын хөдөлгөөнд оролцох эрхтэй болсон явдал юм.
"Энэ нь олон нийтийн аюулгүй байдлыг эрсдэлд оруулах нь ойлгомжтой."
"Тус салбарт үнэнч шударга ажилладаг нэр хүндтэй байцаагч нар” байхад "авлигажсан", "зохисгүй" байдлаар ажиллаж байгаа байцаагч нар ч байгаа талаар АТК хэлсэн байдаг.
Түүний хэлснээр зарим байцаагчид бэлэн мөнгө авч төлбөрийн баримт өгөөгүй байна. Тэд Австралийн Хэрэглэгчийн тухай хуулийн дагуу “75 доллароос дээш төлбөр төлөхөд баримт өгөх үүрэгтэй гэсэн” заалтыг мөн зөрчсөн байна.
Иймд үнийн гарын авлагыг суралцагчдад өгөх, хичээл, шалгалтын "багц санал"-ыг хориглох, итгэмжлэгдсэн шалгуулагчид үйлчлүүлэгчдийнхээ бүртгэл, хүлээн авсан төлбөрийн баримтыг хөтөлж байх зэрэг шинэчлэлийн хэд хэдэн зөвлөмжийг өгсөн байна.
Олон үндэстэн ястны нийгэмд хээл хахууль түгээмэл байдаг гэж тайланд дурджээ
Өмнөд Австралийн олон үндэстний нийгэмлэгүүдэд хээл хахуулийн гэмт хэргийн "загвар" байгааг дурдсан бөгөөд "Хувь хүмүүс өөрсдийн орон нутгаас жолооны багш, шалгуулагч хайж байгаа нь гайхах зүйл биш бөгөөд холбогдох хэл, соёлыг ойлгодог хүмүүстэй харьцах нь мэдээжийн хэрэг давуу талтай" талаар мөн дурдав.
Гэсэн хэдий ч зарим орон нутгийн хувьд тухайн хэлээр ярьдаг байцаагч цөөхөн байснаас байцаагч нар эрх мэдэлтэй байх нөхцөл байдлыг бий болгож байна. Уг тайланд хэл, соёлын хүчин зүйлүүд нь "эрх мэдлийн тэнцвэргүй байдал"-ыг бий болгож, авлигын эрсдэлийг нэмэгдүүлж буйг дурдсан.
"Өрсөлдөөн багатай тул зарим шалгуулагчид лицензийн төлбөрийг төлөхөөс ангижрах боломжтой гэдгийг олж мэднэ. Учир нь тэдний нийгэмлэгийн гишүүд өөр сонголтгүй бөгөөд лицензээ авахын тулд шалгагчаас тодорхой хэмжээгээр хамааралтай болдог "-ыг хатагтай Ванстоун хэлэв.
"Зарим үндэстний хувьд төрийн албан хаагчидтай харьцахдаа авлига өгөх, авах нь нийтлэг бөгөөд хүлээн зөвшөөрөгдсөн практик болсон байдаг. Магадгүй тэндхийн зарим хүмүүсийн хувьд хээл хахуулийг гэмт хэрэг гэж үздэггүй. Мөн тэд хариу арга хэмжээ авахаас айсандаа эсвэл зүгээр л энэ талаар юу ч хийхгүй гэдэгт итгэдэг учраас авлига, хээл хахуулийн талаар мэдээлэх нь бага байдаг.
АТК Хатагтай Ванстоун Өмнөд Австралид жолооны үнэмлэх олгохтой холбоотой хууль тогтоомжийг боловсронгуй болох, олон үндэсний нийгэмд мэдлэг, боловсрол илүүтэй олгох шаардлагатай байгааг зөвлөсөн байна.
Эх сурвалж: https://amp.abc.net.au/article/101074906?fbclid=IwAR1HVysXqVzq8W7IUqbrH3g5Dlh5SiFLwQCE3En7am3XzAbY5481PgVO4rY
