АСТАНА – Казахстан улс сүүлийн 2.5 жилийн хугацаанд хууль бусаар зарцуулагдсан 1.07 их наяд тенге буюу 2.2 тэрбум ам.долларын хөрөнгийг буцаасан гэж тус Улсын Авлигатай тэмцэх газрын дарга Асхат Жумагали 7 дугаар сарын 12-ны өдөр мэдэгдэв.
Тус байгууллагын мэдээлснээр Австри, Франц, Лихтенштейн, Орос, Турк, Арабын Нэгдсэн Эмират зэрэг улсаас бэлэн мөнгө, үнэт цаас, үл хөдлөх хөрөнгө, үнэт эдлэл хэлбэрээр 736 сая ам.долларыг Казахстанд буцаажээ.
Жумагалигийн хэлснээр, тус байгууллага дэлхийн хэмжээнд авлигатай тэмцэх байгууллагуудтай 13 санамж бичиг байгуулсны дөрөвт нь энэ онд гарын үсэг зурсан байна. Эдгээр нь Азербайжан, Хонконг, Катар, Орос зэрэг улсууд юм.
Казахстан улсын Авлигатай тэмцэх газрын төлөвлөгөөнд Европ, Ойрхи Дорнод, Зүүн өмнөд Ази гэсэн гурван гол чиглэлээр хамтын ажиллагаагаа өргөжүүлэхийг тусгасан байна.
Эх сурвалж: https://astanatimes.com/2024/07/kazakhstan-returns-2-2-billion-of-illegally-withdrawn-assets-in-2-5-years/