Индонезийн Авлигатай тэмцэх байгууллагын мэдээлснээр 2017 онд тэдний баривчилсан хүмүүсийн дийлэнх хувь нь төрийн өндөр албан тушаалтнууд байсан юм байна.
“Өнгөрсөн онд авлигын хэргээр баривчлагдсан 120 хүнээс 43 нь төрийн албан хаагч байсан” гэж мэдээлэлдээ дурджээ. Төрийн албан хаагчдын араас бизнес эрхлэгч, хууль тогтоогч болон орон нутгийн хурлын төлөөлөгч нар оржээ. Харин 2016 онд тус байгууллагаас төрийн 10 албан хаагчийг баривчилж байв. Бусад салбараас 99 хүн баривчилжээ. Төрийн албан тушаалтнууд хэт их эрх мэдэлтэй учраас авлигын хэрэгт илүү өртөж байна гэж тус байгууллагын орлогч дарга онцлон дурджээ. Энэ үзүүлэлт нь олон нийт төрийн албан тушаалтны хууль бус үйлдлийн талаар мэдээллийг сайн өгч байгааг харуулж байна гэж тэрээр нэмж хэлсэн байна.
Өнгөрч буй 2017 он ажил ихтэй жил болж, 19 удаа тусгай ажиллагаа явуулсны үр дүнд 72 сэжигтэн, түүний дотор орон нутгийн нэгжийн 8 даргыг баривчилсан байна.
Авлигатай тэмцэх байгууллага нь хулгайлагдсан хөрөнгөөс ойролцоогоор 203 сая ам.долларыг эргүүлэн авчирч чаджээ.
Эх сурвалж