Дани Улсын Ерөнхий сайд Ларс Лёкке Расмуссен өөрийн танилаасаа хахууль авсан гэх хэрэгт сэжиглэгдэж байгаа юм байна.
Энэ талаар төрийн албан хаагчаар өмнө нь ажиллаж байсан нэг хүн цагдаагийн байгууллагад мэдээлжээ. Тухайлбал, Ерөнхий сайдын танил нь түүнийг 2016 онд хамт завиар аялахыг урьсан бөгөөд тэр ч урилгыг хүлээн авчээ. Түүний амралтын нийт зардал 10,000 дани крон буюу 1,700 ам.доллар болсон бөгөөд тус улсын хуулиар хахууль авсан хэрэгт шалгагдах хангалттай үндэслэл болно гэж хэвлийнхэн мэдээлсэн байна.
Харин Расмуссен уг асуудлыг үгүйсгэж, нөхөрсөг уулзалт байсан, тэгээд ч хууль зөрчөөгүй гэж хэлжээ.
Эх сурвалж
Хорват Улсын Авлигын эсрэг зөвлөл тус улсын Худалдан авах ажиллагааны тухай хуульд өөрчлөлт оруулах санал гаргажээ
Авлигын эсрэг стратегийн хэрэгжилтэд хяналт тавих үндэсний зөвлөл Худалдан авах ажиллагаанд хяналт тавих Төрийн хорооны үйл ажиллагааны тухай шинэ хуулийн төсөлд авлигын эрсдэлээс урьдчилан сэргийлэх, хорооны гишүүдийн эрх, үүргийг тодорхой заасан зүйл заалтуудыг нэмж оруулах саналыг гаргасан байна.
Хорват улсын Худалдан авах ажиллагаанд хяналт тавих Төрийн хороонд сонгон шалгаруулалтаар бус томилогддог албан тушаалтнууд ажилладаг юм байна. Ашиг сонирхлын зөрчлөөс урьдчилан сэргийлэх тухай хуульд зааснаар хорооны гишүүдийг төрийн албан хаагч гэж үздэггүй бөгөөд үүрэгт ажлаасаа чөлөөлөгдсөнөөс хойш нэг жилийн хугацаанд худалдан авах ажиллагаанд оролцож болдоггүй зохицуулалттай гэж хорооны Горан Матисик хэлжээ.
Тус хороо нь нийт 25 зүйлтэй хууль батлагдсантай холбогдон 2003 онд байгуулагдсан байна. Шүүхтэй ижил төстэй чиг үүрэг гүйцэтгэдэг хэдий ч тэдний үйл ажиллагааг 80 зүйл заалт зохицуулдаг учраас эрх зүйн зохицуулалт тун тааруу байгаа гэж тэр нэмж хэлсэн байна.