Тус хэлтэс 2019 оны эхний хагас жилд албан тушаалтны авлига, ашиг сонирхлын зөрчлийг шалгуулахаар хандсан 390, өмнөх оны үлдэгдэл 50 нийт 440 өргөдөл, гомдол, мэдээллийг хүлээн авснаас тайлант хугацаанд 384 өргөдөл, гомдол, мэдээллийг хянан шийдвэрлэсэн.
Хүлээн авсан өргөдөл, гомдол, мэдээллийг өнгөрсөн оны мөн үеийнхтэй харьцуулахад 19 буюу 4,8 хувиар, хянан шийдвэрлэсэн өргөдөл, гомдол 59 буюу 18,1 хувиар тус тус өссөн үзүүлэлттэй байна.
Хяналт шалгалтаар тогтоогдсон нөхцөл байдлын талаар нийт гомдол гаргагч нарт хариуг хүргүүлсэн бөгөөд 84,1 %-д нь албан бичгээр, 15,9 %-д нь гомдол гаргагчийн нэрээ нууцлахыг хүссэн хүсэлтийн дагуу нууцлалыг хангаж амаар болон утсаар мэдэгдсэн байна.
Тайлант хугацаанд хүлээж авсан нийт өргөдөл, гомдлын 181 буюу 46,41 %-ийг нийслэл хотоос, 209 буюу 53,59 %-ийг хөдөө, орон нутгаас ирүүлсэн байна. 2019 оны эхний хагас жилд Завхан, Төв, Дархан-Уул, Баян-Өлгий аймгийн иргэдээс ӨГМ-ийг түлхүү ирүүлсэн байна.
Ирүүлсэн өргөдөл, гомдол мэдээллийг аймаг тус бүрээр нь харуулбал:
Тус хэлтэст ирүүлсэн өргөдөл, гомдол, мэдээллийг агуулгын хэлбэрээр нь нь авч үзвэл:
Өргөдөл гомдол мэдээллийн шийдвэрлэсэн байдлыг авч үзэхэд:
Өргөдөл, гомдлын мөрөөр албан тушаалтны буруутай үйл ажиллагааг илрүүлж, зөрчил гаргасан 31 албан тушаалтанд хариуцлага тооцуулж, ӨГМ шалгаад холбогдох байгууллага, албан тушаалтанд хууль бус шийдвэрийг хүчингүй болгох, хуулийн хэрэгжилтийг хангаж ажиллах, зөрчил арилгуулах, тухайн зөрчил үүсэх, эсхүл олон нийтийн зүгээс ашиг сонирхлын зөрчилтэй гэж үзэх нөхцөл байдлыг үүсгэж байгаа нөхцлийн талаар анхааруулж, зөвлөсөн 36 албан бичиг хүргүүлсэн.
Хянан шалгасан өргөдөл, гомдолд холбогдох ажиллагааг хийж гүйцэтгэх явцад Иргэдээс төрийн байгууллага, албан тушаалтанд гаргасан өргөдөл, гомдлыг шийдвэрлэх тухай хуулийн 13 дугаар зүйлийн 13.2-т /өөрийн эрх хэмжээнд хамаарахгүй бөгөөд албан ёсоор нийтэд зарласан асуудлаар гаргаагүй өргөдөл, гомдлыг харьяалах газар нь ... шилжүүлнэ/ зааснаар харъяаллын дагуу төрийн холбогдох байгууллагад 88, албан тушаалын гэмт хэргийн шинжтэй гомдол мэдээллийг шалгуулахаар тус газрын Мөрдөн шалгах болон Гүйцэтгэх ажлын хэлтэст 38 гомдол, мэдээллийг шилжүүлсэн байна.
Өргөдөл гомдол мэдээлэл шийдвэрлэсэн байдлыг графикаар үзүүлэхэд:
