Авлигатай тэмцэх газрынхан орон нутаг ажиллаж байна /2007.10.05/

Авлигатай тэмцэх газрын албан хаагчид хөдөө орон нутагт томилолтоор ажиллаж эхэллээ. Авлигатай тэмцэх газрын даргын тушаалаар байгуулагдсан ажлын хэсгүүд ирэх арваннэгдүгээр сарыг дуустал хөдөө орон нутагт ажиллах үеэрээ хууль сурталчлах, Авлигатай тэмцэх газрын үйл ажиллагааг танилцуулах, олон нийтээс мэдээлэл, судалгаа авах, хөрөнгө, орлогын мэдүүлгийг хянан шалгах, сургалт зохион байгуулах зэрэг чиглэлээр ажиллах юм. Ажлын хэсгийн эхний ээлж одоогийн байдлаар Дорноговь, Говьсүмбэр, Дорнод, Сүхбаатар аймагт ажиллаад байна.