Зөвлөмж

Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай хуулийн 7 дугаар зүйлийн 7.1 дэх хэсэг зөрчигдөхөөс урьдчилан сэргийлэх зорилгоор дор дурдсан зүйлийг анхаарч ажиллахыг Төр, захиргааны байгууллага, албан тушаалтнуудад зөвлөж байна:

• Төрийн байгууллагын байрлаж байгаа байранд түүний үйлчилгээг эрхлэх үйл ажиллагааны жагсаалтыг гаргаж олон нийтэд ил тод болгох;
• Энэхүү үйлчилгээг эрхлэх аж ахуйн нэгж, байгууллагыг хууль тогтоомжийн дагуу нээлттэй сонгон шалгаруулж дүнг олон нийтэд мэдээлэх;
• Сонгон шалгаруулалтад тэнцсэн аж ахуйн нэгж, байгууллагын үйлчилгээний ажилтан, албан хаагчид байрлаж ажиллах;
• Үйлчилгээ эрхэлж буй аж ахуйн нэгж, байгууллагууд нь иргэд, байгууллагад хүнд сурталгүй, соёлтой үйлчлэх, тухайн үйлчилгээтэй холбоотой гомдол, хүсэлтийг шуурхай шийдвэрлэх боломжоор хангаж ажиллах.