-Сайн байна уу? Би цагдаагийн алба хаагчдын авлигын талаар мэдээлэл өгөх гэсэн юм. Цагдаагийн ёс журманд нь хандахаар ерөөсөө үл тоогоод хариу өгөхгүй юм. Танайхтай яаж холбогдох вэ?
Авлигатай тэмцэх газрын фэйсбүүк хуудсаар ирүүлсэн асуулт
-Таны асуултыг хүлээн авлаа. Цагдаагийн байгууллагын алба хаагч нь төрийн тусгай чиг үүргийг хэрэгжүүлдэг албан тушаалтан тул хээл хахууль авсан, албаны эрх мэдэл буюу албан тушаалын байдлаа урвуулах, эрх мэдлээ хэтрүүлэх гэмт хэргийн шинжийг агуулсан үйлдэл хийсэн бол Та гомдол, мэдээллээ амаар буюу бичгээр манай байгууллагын хаягаар шуудангаар, и-мэйлээр, утсаар гаргаж болно. Бичгээр гаргасан гомдолд гомдол гаргагч гарын үсэг зурсан байна. Цагдаагийн алба хаагчтай холбоотой гомдол, мэдээллийг Цагдаагийн ерөнхий газрын тусгай дугаар болох 126, 70121515 дугаарын утсанд өгч болох бөгөөд Ёс журмын албанд хандаад хариу өгөхгүй байгаа бол Цагдаагийн ерөнхий газрын удирдлагууд болон Цагдаагийн ерөнхий газрын Дотоод хяналт, аюулгүй байдлын газарт хандаж, асуудлаа шийдвэрлүүлэх боломжтой. Авлигатай тэмцэх газрын Мөрдөн шалгах хэлтэс
