Европын Холбооны хамгийн их авлигад автсан орнуудын нэгд тооцогддог Грекийн таагүй үзүүлэлт нь Грекчүүдэд огтхон ч гайхмаар зүйл биш болоод байна. Евробарометрийн санал асуулгад оролцогчдын 90 хувь нь улс төр, эрүүл мэндийн салбар болон нийтийн албан тушаалтнуудын дунд авлига түгээмэл байдаг гэж хариулжээ.
Энэ байдал нь бас нэгэн судалгааны үр дүнгээр батлагдаж, оролцогчдын 89 хувь нь илүү сайн үйлчилгээ авахын тулд эмч нарт хахууль өгөх шаардлагатай гэж үзэж байгаагаа илэрхийлсэн байна. Энэ салбар нь зөвхөн бэлнээр төлбөр авахыг шаарддаг учраас татварын зөрчлөөрөө тэргүүлдэг. /Европын Холбооны дундаж үзүүлэлт 27 хувьтай байна./
Судалгаанд хамрагдсан хүмүүсийн 71 хувь нь улс төрийн намууд авлигад автсан гэж хариулсан бөгөөд эдгээр намууд олон нийтийн мөнгө болон сая сая еврогийн банкны зээл авч, ихэвчлэн бүрэн төлж барагдуулдаггүй, мөнгө нь яг хаашаа зарцуулагддаг нь тодорхойгүй байдаг гэж үзжээ. Түүнчлэн 68 хувь нь улс төрчид хахууль авдаг гэж үзсэн хэдий ч тэднийг дахин сонгосоор байдаг гэжээ.
Судалгаагаар, гэрээ байгуулах эрх бүхий албан тушаалтнуудын 67 хувь нь авлигад автсан гэж үзсэн бөгөөд Грект хээл хахууль, хөрөнгө шамшигдуулах олон дуулиан гардаг ба зарим тохиолдолд худалдан авах ажиллагаанд олон үнийн санал аваагүй, хамгийн бага үнийн дүнг сонгоогүй зэрэг хэрэг гардаг байна.
Уг санал асуулга нь хоёр болон гуравдугаар сард явагдсан бөгөөд мужийн нийтийн өмчийн агентлагийн сүүлийн үеийн авлигын дуулиан гарахаас өмнө хийгдсэн байна. Цагдаагийн мэдээлснээр, мөрдөн байцаагчдад тус агентлагаас олгосон гурван сэжигтэй түрээстэй холбоотой баримт бичгийг шалгасан бөгөөд үүний нэг нь Закүнтос арал дээр, нөгөө хоёр нь Афин хотын Палайо Фалиро болон Мароуси дахь гадаа зогсоолуудын түрээстэй холбоотой байв.
Шалгалтын явцад албаны хоёр экс менежер, хоёул 49 настай, түрээсийн үйл ажиллагааг хариуцаж, зарим өмчийг баримт бичиггүйгээр түрээслүүлж, агентлагт 402,500 евро буюу 436,008 ам.долларын алдагдал учруулсан нь илэрсэн байна.
Эх сурвалж: https://www.thenationalherald.com/most-greeks-believe-politicians-corrupt-doctors-officials-want-bribes/
