Франц улсын Үндэсний Ассамблэйн дарга Ричард Феррандаас тус улсын хойд хэсэгт орших Лилль хотод холбогдох албаны хүмүүс Лхагва гарагт 1998-аас 2012 онуудад хийгдсэн үл хөдлөх хөрөнгийн гэрээ хэлэлцээртэй холбоотойгоор байцаалт авжээ.
Саудын Арабын Хаант Улсын Авлигатай тэмцэх үндэсний хороо /Назаха/ НҮБ-ын хөгжлийн хөтөлбөртэй авлигын эсрэг Харилцан ойлголцлын санамж бичигт гарын үсэг зурлаа. Авлигатай тэмцэх үндэсний хорооны ерөнхийлөгч Мазен Бин Ибрахим НҮБ-ын Хөгжлийн хөтөлбөрийн суурин төлөөлөгч Адам Булукос нарын хүмүүсийг нийслэл Эр-Риядад хүлээн авч уулзав.
БНЭУ-ын Дээд шүүх Сангийн сайд асан Паланиапан Чидамбарамаг авлига, мөнгө угаах гэмт хэрэгт холбогдсон хэмээн түүний батлан даалтаар гарах хүсэлтийг буцааж, нийслэл Нью-Дели хотын Төв хорих ангид шилжүүлэн хориод байна.
Тайланд улсын Авлигын эсрэг үндэсний хороо авлигатай тэмцэх хоёр чухал арга хэрэгсэл болох “Шударга байдлын гэрээ”, “Барилгын салбарын ил тод байдлын санаачилга”-ыг хэрэгжүүлснээр 142.76 тэрбум батыг хэмнэх төлөвтэй байгаагаа Засгийн газартаа уламжиллаа.
Украин улс удаан хугацаанд хүлээлт үүсгээд байсан Авлигын эсрэг дээд шүүхийнхээ үйл ажиллагаа өнгөрөгч Пүрэв гараг (05/IX)-т эхлүүлж, нээлтэд нь ерөнхийлөгч Володимир Зеленський өөрийн биеэр оролцон шинээр байгуулагдаж байгаа байгууллагыг олон улсад тус улсын нэр хүндийг өргөх, чухал байгууллага хэмээн онцолжээ.
Суданы огцорсон удирдагч, Омар Ал Баширт холбогдох хэргийн мөрдөн байцаалтын явцад түүнийг амьдарч байсан ерөнхийлөгчийн ордныхоо өрөөнд олон сая еврог хадгалж байсан, өрөөнд нэвтрэх түлхүүр зөвхөн өөрт нь л байдаг байсан тухай хамгийн сүүлд түүний захиргааны менежерээр ажиллаж байсан нэгэн өнгөрсөн бямба гарагт өгсөн мэдүүлэгтээ дурджээ.
Украйн улсын авлигын эсрэг тэмцэгч Екатерина Гандзюкийг хүхрийн хүчлээр хөнөөсөн үйл явдалтай холбогдуулан 5 хүнийг хорих ялаар шийтгэжээ.
Пакистаны экс ерөнхийлөгч Асиф Али Зардари их хэмжээний мөнгө угааж, улсаасаа гадагш гаргасан гэх авлигын ноцтой гэмт хэргийг үгүйсгэж, хилийн хоргио цуцлуулах гарах хүсэлт гаргасан ч холбогдох байгууллага нь хүлээж авахаас татгалзсанаар түүнийг цагдан хорихоор боллоо.
Малайз улсын Авлигын эсрэг хорооны өмнөх дарга Мод Шукри Абдул хоёр жилийн гэрээт хугацааныхаа талд нь ажлаа өгч буйгаа ямар нэгэн дарамт, шахалттай холбоогүй, халагдаагүй тухайгаа тайлбарлажээ. Мөн тэрээр олон нийтэд хандан шинээр томилогдсон удирдлага болох хатагтай Латифа Кояагийн цаашдын ажилд дэмжлэг үзүүлэхийг уриалсан байна.
