“Нэгдмэл Орос” намаас нэр дэвшиж гарсан Төрийн думын гишүүн Федотов ОХУ-ын эсрэг үйл ажиллагаа явуулж буй Транспарэнси интернашэнл байгууллагыг ОХУ-аас албадан гаргахыг хүссэн хүсэлтээ Ерөнхий прокурорын газарт хүргүүлсэн тухайгаа мэдээлсэн байна.
Транспарэнси интернашэнл байгууллага Төрийн өмчит компаниудын гишүүнчлэлтэй олон талын ажлын хэсэгтэй хамтран төрийн өмчит компанийн авлигын асуудалтай тэмцэх зарчмуудыг боловсруулсан байна.
Авлигын хэрэгт холбогдон, шалгагдсан АНУ-ын усан цэргийн адмирал Роберт Гилбод тус улсын Калифорни мужийн шүүх 18 сарын хорих ялаар шийтгэсэн байна.
Украйн улсын парламентад Авлигын эсрэг байгууллагын чиг үүргийг өөрчлөх асуудлаар хэлэлцэж буй хуулийн төсөлтэй холбогдуулан Олон улсын валютын сангаас Украины Ерөнхий сайд Владимир Гройманд сануулга хүргүүлсэн байна.
Авлигын хэрэгт холбогдон, шалгагдаж буй Аргентин улсын Тагнуулын газрын дарга Густаво Аррибасатай холбоотой мэдээлэл өгөхийг тус улсын прокурорын газар Бразил улсын холбогдох байгууллагаас хүссэн байна.
БНХАУ-ын Засаг захиргааны тусгай нэгж Хонг Конг мужид 2017 оны 5-р сарын 9-10-ны өдрүүдэд олон улсын семинарын арга хэмжээ зохион байгуулагдсан бөгөөд арга хэмжээг нээж тус мужийн Авлигатай тэмцэх бие даасан хороо (АТБДХ)-ны дарга, комиссар Симон Пех “Санхүүгийн гэмт хэргийг мөрдөн шалгах, хулгайлагдсан хөрөнгийг буцаан олох замаар авлигатай тэмцэнэ гэдэг нь гэмт хэрэгтүүдийн хууль бус орлогыг хураан авахаас гадна тэдний эзэмшдэг хуулийн этгээдүүдийг хариуцлагад татна гэсэн үг юм” гэсэн байна.
Норвеги улсын төрийн алба хаагчдад хахууль өгч, Нигери улсын зэвсгийн наймаачинтай актлагдсан байлдааны усан завь худалдаалах гэрээ байгуулсан гэх Английн компанийг Англи, Америк, Нигери, Норвеги улсуудын эрх бүхий байгууллагууд хамтран шалгаж эхлэхээр болсон байна.
Оросын хуульч Сергей Магнитскийн илчилсэн мөнгө угаахтай холбоотой хэрэг эцэслэн шийдвэрлэгдэж, Кипр улсад бүртгэлтэй “Первезон Холдинг” компани АНУ-ын Сангийн яаманд 5,896,333 ам.доллар төлөхөөр болсон байна.
Авлигын хэрэгт холбогдсон бизнес эрхлэгчдийг хариуцлагаас чөлөөлөх тухай хуулийн эсрэг жагсаал Тунис улсын Тунис хотод болж байна.
Малайз улсын Авлигын эсрэг хороо авлигын эсрэг хувьсгалын аян эхлүүлж, сар бүрийн нэгний өдөр тэдний 2,000 албан хаагч олон нийттэй уулзаж, тэдний саналыг сонсч байхаар болсон тухай шийдвэр гаргасан байна.
