Бүгд Найрамдах Косово Улсын Засгийн газар 2020 оны 10 дугаар сарын 19-ний өдөр 10 жилийн турш үйл ажиллагаа явуулсан Авлигатай тэмцэх ажлын хэсгийг татан буулгалаа.
Өнөөдөр Олон улсын шударга байдлын төлөөх Аллардын шагнал гардуулах ёслолын үеэр Данске банкны шүгэл үлээгч Ховард Вилкинсоныг 2020 оны шагналын хамтран ялагчаар зарлав. Аллардын шагналыг авлигын эсрэг, хүний эрхийг хамгаалахын төлөө тэмцдэг хүмүүст олгодог юм.
Одиша мужийн Цагдаагийн газрын авлигийн хэргийн мөрдөгчид нэгэн инженерийн туслах 48 орон сууц зэрэг 6.53 крор рупи-гээр хэмжигдэх хөрөнгөтэй байсныг илрүүлэн, лхагва гарагт баривчилжээ.
Авлигын хэргээр баривчлагдсан 20 хүний нэг болох Чехийн Хөлбөмбөгийн холбооны орлогч дарга Р.Бербр хоёр, гуравдугаар хэсэгт тоглолтын тохиролцоо[10] хийсэн байж болзошгүй хэргээр шалгагдаж байна.
Авлигын хэрэгт буруутгагдаад буй Массачусетс мужийн Фолл Ривер хотын захирагч асан болон түүний Тамгын газрын даргыг шүүх хурал ирэх оны эхээр товлогджээ.
Эрх баригчид авлигатай тэмцэх шаардлагын талаар их ярьдаг ч бодит байдал дээрхи үйл хэрэг нь авлигатай тэмцэж буй дүр үзүүлэх байдлаар хязгаарлагдаж байна хэмээн Транспарэнси интернэшнл байгууллагын Орос дахь салбараас зохион байгуулсан судалгаанд дурьджээ. Шинжээчдийн үзэж байгаагаар авлигатай бодитоор тэмцэхэд саад болж байгаа зүйл бол засаглалын эрх мэдэл тогтонги байгаа болон улс төрийн хүсэл эрмэлзэл байхгүй байгаа нөхцөл байдал юм.
Бразил Улсын Ерөнхийлөгчийн ойрын хамсаатан сенатын гишүүн Чико Родригесын гэрт нэгжлэг хийх явцад түүний дотуур өмдөндөө 2000 фунт стерлинг болон гэрийнхээ сейфэнд нуусан 4650 фунт стерлинг зэргийг хураан авч түүнийг баривчлаад байна. Родригес нь сенатын дэд даргын албыг хашиж байсан юм.
Цар тахалтай тэмцэж буй тэмцэл нь авлигажих, албан тушаалын байдлаа урвуулан ашиглах хөрсийг бий болгож байгаа бөгөөд энэ нь эргээд коронавирусыг бүрэн ялахад саад болж болзошгүй хэмээн НҮБ-ын Ерөнхий нарийн бичгийн дарга Антониу Гуттереш мэдэгдэв.
“Авлигыг экспортлох нь” судалгааны тайлангийн 2020 оны дүн гарлаа. Тус тайланд дэлхийн томоохон 47 экспорлогчийг үнэлсэн ба үүн дотор Эдийн засаг хамтын ажиллагааны Хээл хахуулийн эсрэг конвенцид нэгдсэн 43 улсыг багтаасан байна. Сүүлийн тайлан 2018 онд гарсан ба гадаад улсад хээл хахууль өгч буй асуудлыг шалгах байдал нэлээд буурсан гэжээ.
Казахстан Улсын Авлигатай тэмцэх газрын мэдээлснээр тус улсын хот, тосгоны төв гудамжны байшин барилгын хананд авлига, хээл хахуулийн хор уршгийг таниулах зураг байрлуулан олон нийтийг соён гэгээрүүлнэ гэжээ. Тус зургууд нь олон нийтийг зөв үйлдэл хийх, биеэ авч явах зөв загварт сургана гэж үзэж байна.
