Вьетнам улсын “Засаглал ба Төрийн захиргааны үйл ажиллагааны индекс” судалгааны дүн гарчээ. Энэхүү судалгаа нь орон нутгийн түвшин дэх төрийн байгууллагуудын авлигын түвшинг тогтоох зорилготой. Энэ жил санамсаргүйгээр сонгосон 63 хот, мужийн 14000 иргэнээс ярилцлага авч уг судалгааны дүнг гаргажээ.
Москва ба барууны орнуудын хоорондын таагүй харилцаа болон Англи улс гадаадын иргэдийн хөрөнгийн эх үүсвэрийг шалгах асуудлаар хатуу хуультай болсон нь Оросын иргэдийг эх орон руугаа буцахад хүргэж байна.
ОХУ-ын Ерөнхийлөгч Владимир Путины санаачилсан авлигатай тэмцэх багц хуулийн төслийг ойрын хугацаанд Төрийн дум дээр хэлэлцэхэд бэлтгэсэн бөгөөд энэ хуулиар авлигатай тэмцэх ажлыг эрчимжүүлнэ гэж сэтгүүлчдэд Төрийн думын дарга Вячеслав Володин хэлсэн байна.
Монгол Улсад явагдаж буй мөрдөн шалгах ажиллагаанд ашигт малтмалтай холбоотой хахуулийн шинжтэй төлбөр авсан байж болзошгүй гэх үндэслэлээр Ерөнхий сайд асан хүнийг АНУ-аас эргэн ирж байцаалт өгөхийг прокурор хүссэн байна.
Монгол Улсын Сангийн сайд асан Сангажавын Баярцогтыг 2009 онд Оюу толгойн зэс баяжуулах томоохон уурхайн хөрөнгө оруулалтын талаар хийсэн хэлэлцүүлэгт албан тушаалаа урвуулан ашигласан байж болзошгүй гэх үндэслэлээр баривчилсан гэж тус улсын Авлигатай тэмцэх газраас өнгөрсөн даваа гарагт мэдээлсэн юм. Монгол Улсын Авлигатай тэмцэх газар С.Баярцогтыг баривчилсан гэж хэвлэлийнхэнд өнгөрсөн ням гарагт мэдээллээ.
Олон тэрбум ам.долларын өртөгтэй хурлын төв байр барих барилгын ажлыг авах зорилгоор НҮБ-ын төлөөлөгч нарт хахууль өгсөн хэрэгт холбогдсон Ниг Лап Сэнгэ-д 6-аас дээш жилийн хорих оноох хүсэлтийг АНУ-ын Засгийн газар шүүхэд гаргасан байна.
Индонезийн Цагдаагийн байгууллага улстөрч Сэтя Нованто-г нэр бүхий 80 хүний хамт 2011-2012 онд иргэний цахим үнэмлэхний тогтолцоог нэвтрүүлэхэд зориулсан 440 сая ам.долларын төслийн хөрөнгөнөөс мөнгө завшсан гэх хэрэгт шалгаж буй талаар өмнө нь мэдээлж байсан юм.
Авлигын хэргээр төрийн 41 байгууллагын албан хаагчид шалгагдаж байгаа тухай Мексикийн Холбооны Улсын эрх бүхий байгууллагууд мэдээлсэн байна.
Швейцарийн Ерөнхий Прокурорын газраас гаргасан албан ёсны мэдэгдэлд Рио тинто компани нь Швейцарийн прокурорууд Монгол Улсын газар нутагт орших Оюу толгой зэс, алтны төслийн эсрэг эхлүүлсэн мөрдөн шалгах ажиллагаанд хамааралгүй гэжээ.
Авлигатай тэмцэх олон улсын хамтын ажиллагааг өргөжүүлэх зорилгоор Хонгконгийн Авлигын эсрэг бие даасан хороо гадаад улсуудын авлигатай тэмцэх байгууллагуудад туслахын тулд ажилтнуудынх нь мэдлэг чадварыг дээшлүүлэх тусгайлсан сургалтуудыг санал болгож байна.
