Малайзын Ерөнхий сайдын орлогч Датук Сэри Ахмад Захид Хамиди тус улсад авлигын асуудал бат бөх оршсоор байгаад хахууль өгөгч, авагч адилхан бурууг үүрэх ёстой гэж хэлжээ.
Энэ онд Тайланд Улс дөрвөн жилийн хугацаанд хэрэгжүүлэх Авлигатай тэмцэх стратеги боловсруулан баталсан тул олон улсын түвшин дэх авлигын индексээ өсгөнө хэмээн бат итгэлтэй байна.
Австралийн Авлигатай тэмцэх хорооноос цагдаагийн 1172 алба хаагчаас авлигын сэдвээр судалгаа авчээ. Викториа мужийн таван цагдаа тутмын нэг нь авлигын хэргийн гэрч болбол мэдээлэхгүй бөгөөд мэдээлбэл ажлаа алдаж мэднэ гэж айдгаа илэрхийлжээ.
Мяньмар Улсын Нэгдсэн парламент Мэдээллийн асуудал хариуцсан сайд асан Аюунг Ки-гийн тэргүүлсэн 12 гишүүний бүрэлдэхүүнтэй авлигын эсрэг хороог байгуулахыг санал нэгтэйгээр дэмжиж, баталсан байна.
Өнгөрсөн мягмар гарагт Европын холбооны Сангийн сайд нар хуралдаж, татвартай холбоотой асуудлаар хамтран ажиллахгүй байгаа 17 орныг багтаасан хар жагсаалт баталсан талаар Францын Сангийн сайд Бруно Ли Майре мэдээлжээ.
ОХУ-ын Ерөнхий прокурорын газар цахим сүлжээг ашиглан мэдээлэл тарааж, залуучуудын дунд “Авлигын эсрэг прокурорын байгууллага” сэдвээр зохион бичлэгийн уралдаан зарлах гэж байгаа тухай Хамтын нөхөрлөлийн орнуудын Ерөнхий Прокуроруудын 27 дахь удаагийн уулзалт дээр ОХУ-ын Ерөнхий прокурор Юрий Чайка хэлсэн байна.
Олон улсын валютын сангаас олгогдох зээлийн нөхцөлдөө тэд Украинд авлигын эсрэг тусгай шүүх байгуулахыг сануулжээ.
АНУ-ын Дотоодын татварын газар болон татвараас зугтах гэж байсан хэргийн талаар мэдээлэл өгсөн хосын хооронд үүссэн маргааныг шийдвэрлэх давж заалдах шатны шүүх хурал үргэлжилж байна.
Малайзын Авлигатай тэмцэх хороо төрийн байгууллага бүрээс “Авлигагүй ажиллах амлалт” авч байгаа билээ. Өнгөрсөн сард тус улсын Зам тээврийн газар тус амлалтад гарын үсэг зурсан байна. Энэ үеэр тус газрын дарга Ноорул Абдул Гүдүсэ иргэдээс ирэх аливаа өргөдлийг цахимаар авах болсон тухайгаа зарлажээ. Цахимаар бүх төрлийн үйлчилгээг өгч, авдаг болсноор иргэн, төрийн албан хаагч хоёр шууд нүүр тулж уулзахгүй тул авлигын хэрэг гарах боломжгүй гэж тэр нэмж хэлжээ.
Трансперэнси интернэйшнл: Узбекистан улс бол дэлхийн хамгийн их авлигад өртсөн орнуудын нэг юм. 2015 онд АНУ-ын Хууль зүйн яам тус улсын гурван компани Узбекистаны харилцаа холбооны зах зээлд нэвтрэхийн тулд Ерөнхийлөгч асан Ислам Каримовын охин Гулнара Каримовод 1 тэрбум ам.долларын хахууль төлснийг тогтоосон. Гулнара Каримово тус мөнгийг Ирланд, Бельги, Луксембург, Швейцари улс дахь банкуудад тараан байршуулжээ. Одоогоор тус мөнгийг царцаасан бөгөөд хэрхэх тухай АНУ-ын Хууль зүйн яамны эцсийн шийдвэрийг хүлээж байгаа юм.
