Европын парламентын Гадаад харилцааны хороо өнгөрсөн мягмар гарагт хуралдаж, нийгмийн цөөнх бүлгийн эрхийг зөрчдөг, шударга бус, ялгаврлан гадуурхах, улс төр, эдийн засгийн зөрчилдөөн үүсгэдэг тэрхүү авлигын эсрэг олон улсын үйл ажиллагааг хүчирхэгжүүлэх шаардлагатайг онцолсон байна.
Экваторын Гвиней улсын Ерөнхийлөгчийн хүү Теодоро Нигуэма Обианг Мангуэ улсын хөрөнгө болох 112 сая гаруй ам.доллар завшсантай холбоотой хэргийн шүүх хурал өнгөрсөн даваа гарагт Франц улсад эхэлсэн байна.
Байгалийн чанад дахь дүүргийн шүүх авлигын хэрэгт холбогдсон Автомашины олон улсын постын гаалийн ажилтныг 3 жилийн хорих ялаар шийтгэж, нэмэлтээр 5,2 сая рублийн торгууль ногдуулж, гаалийн байгууллагад 3 жилийн хугацаанд албан тушаал эрхлэх эрхийг нь хаслаа гэж Дорнод Сибирийн бүсийн Тээврийн прокурорын газраас мэдээлжээ.
Номхон далайн бүсийн зүүн өмнөд хэсгийн орнуудын прокурор, мөрдөн байцаагч нар Фижи арлын Нади хотноо цугларч, авлигын хэрэг мөрдөн шалгах, хянан шийдвэрлэхэд тулгарч буй асуудлуудын талаар ярилцсан байна.
Төрийн байгууллагуудаас зарладаг худалдан авах ажиллагаан дахь шударга байдлыг хангах, гарч болох эрсдэл, түүнийг шийдвэрлэх арга замын талаарх гарын авлага НҮБ-ын Ази, Номхон далайн бүсийн Хөгжлийн хөтөлбөрийн цахим хуудсанд нийтлэгдсэн байна.
Пакистаны Үндэсний хариуцлагын газар цахим болон хэвлэмэл материалаар дамжуулан хийдэг “Авлигад үгүй гэж хэл” гэдэг уриатай Авлигын эсрэг кампанит ажлаа үргэлжлүүлэхээр болсон бөгөөд өнгөрсөн хугацаанд ихээхэн үр дүнд хүрч, Транспарэнси интернашэнл байгууллагын гаргадаг судалгаагаар 2016 онд 126-р байрнаас 116-р байранд орж, ахиц дэвшил үзүүлсэн юм гэж Пакистаны Үндэсний хариуцлагын газрын дарга Камар Заман Чадри хэлжээ.
Тус улсын Прокурорын газар нь хөлбөмбөгийн асуудалтай холбогдуулан шалгасан эхний эрүүгийн хэрэг дууссан гэж мэдээлжээ. “Julius Baer” банкны ажилтан Хорх Арсуаг Аргентин улсын Хөлбөмбөгийн холбооны тэргүүнийг Швейцарийн банкаар дамжуулан мөнгө угаахад тусалж байсан нь тогтоогдож, тэрбээр гэм буруугаа хүлээсэн байна.
Панама улсын Ерөнхийлөгчөөр 2009-2014 онд ажиллаж байсан Рикардо Мартинели-г АНУ-ын Майами хотод байхад нь тус улсын шүүх баривчлах тухай шийдвэр гаргасан байна.
Энэ сарын 14-ний өдөр ОХУ-ын Холбооны зөвлөлийн 414-р уулзалт болж, итгэл алдуулсан төрийн алба хаагчдын бүртгэл хөтлөх асуудлаар хэлэлцсэн байна.
Рио-де-Жанейро хотын даргаар ажиллаж байсан Сержиу Кабралыг авлига авсан болон мөнгө угаасан гэх хэргээр 14 жил 2 сарын хорих ялаар шийтгэсэн байна.
