Авлигын хэрэгт өршөөл үзүүлэх тухай УИХ-ын баталсан хуульд Монгол Улсын Ерөнхийлөгч хориг тавих ёстой гэж гэж Авлигатай тэмцэх даян дэлхийн холбоо “Transparency International” байгууллагаас мэдэгдлээ. Уг мэдэгдлийг нийтлэв.
Өнөөдөр Ерөнхийлөгч Ц.Элбэгдорж Прокурорын байгууллагын түүхт 85 жилийн ойн баярын хурал дээр үг хэллээ. Ерөнхийлөгч прокуроруудад баяр хүргэхийн ялдамд “Прокурорын алба хашиж буй хэн бүхэн авлигачдыг авлига авахыг болиулахыг шаардах эрхтэй. Тэдний өмнө бөхөлзөх ёсгүй. Тэднийг цээрлүүлэх эрх нь, хууль нь байгаа. Тэрхүү эрхийнхээ дагуу авлигын эсрэг манаандаа үнэнч зогсохыг та бүхэнд сануулъя. ” хэмээн авлига, хээл хахуулийн эсрэг тууштай тэмцэхийг санууллаа.
-Хохирол нөхөн төлүүлэх гэдэг асуудал цаасан дээр үлдээд байгаа юм биш үү?
-Авлига албан тушаалтны хэрэг дээр сэтгүүлчид эрэн сурвалжлах байдлаар ямар хүмүүс өршөөгдөв, өршөөгдсөн гэмт хэргийн ард хохирол гэж харагдахуйц юу байна гэдгийг нээн илрүүлэх байдлаар ажиллавал олон нийтийн хяналтад орж хүссэн хүсээгүй шахаж эхэлнэ.
...УИХ-ын гишүүн Ц.Нямдорж хэвлэлийн бага хурлын үеэр “Ээлжит бус чуулган гэх халхавчийн дорх Төрийн ордонд төрийн эсрэг, хуулийн эсрэг “чимээгүй эргэлт” боллоо. Эдийн засгийн ил тод байдлыг дэмжих тухай хуулийн төслийг хэд хэдэн удаа хууль санаачлагчид нь буцаасан.
Нийтлэлч З.БОРГИЛМАА:
УИХ-ын энэ удаагийн ээлжит бус чуулганаар хэлэлцэж буй Өршөөлийн тухай хууль өргөн баригдсан өнгө зүсээ гээлгүй батлагдах тохиолдолд юун түрүүнд авлига, албан тушаалын гэмт хэргүүд өршөөгдөх, хэрэгсэхгүй болох эрх зүйн нөхцөл үүсэхээр байна.
Монгол Улсын Ерөнхийлөгч Цахиагийн Элбэгдорж:
-УИХ-ын хаалттай хуралдаанаар Өршөөлийн хуулийн эцсийн хэлэлцүүлгийг хийжээ. Авлига авсан, албан тушаалаа урвуулсан хэтрүүлсэн, хууль бусаар хөрөнгөжсөн, төсвийн мөнгө хөрөнгийг зориулалтын бусаар зарцуулсан, иргэдийг залилсан этгээдүүдийг өршөөх нь буруу.
Нийтлэлч Д.Жаргалсайхан:
-...Ялангуяа албан тушаал, эрх мэдлээ ашиглан, авлигын хэрэг үйлдсэн хэрэгтнүүд, шүүхээр ороход бэлэн болсон хэргүүдийг энэ өршөөлд хамруулж байгаа нь Монголын хууль зүйн тогтолцоо, төр засгийн эрх баригчдад итгэх нийгмийн итгэлийг бүр мөсөн алдагдуулж байна.
Enkhbat Dangaasuren @enkhbat
Албан тушаал, авлигын хэргийг өршөөснөөр Монголд энэ удаа авлига бүгдийг ялж, өөрийгөө хуулиар хамгаалуулсан түүхэн өдөр боллоо.
УИХ-ын гишүүн С.Ганбаатар:
-Энэ долоо хоногт чуулганы нэгдсэн хуралдаанаар Өршөөлийн тухай хуулийг хэлэлцэнэ. Бие даагч гишүүдийн зөвлөлөөс улс төрийн болон төрийн өндөр албан тушаалтнуудад энэ хуулийг үйлчлүүлэхгүй байх заалт оруулахын төлөө ажиллана.
УИХ-ын Төсвийн байнгын хорооны өчигдрийн хуралдаанаар Эдийн засгийн ил тод байдлыг дэмжих тухай хуулийн төслийн анхны хэлэлцүүлгийг хийв. Энэ үеэр Ц.Даваасүрэн, Б.Чойжилсүрэн, Р.Амаржаргал, Н.Номтойбаяр нарын гишүүн хууль санаачлагчдад асуулт тавьж, саналаа хэлсэн.
