Латви Улсын Авлигатай тэмцэх, авлигаас урьдчилан сэргийлэх товчооноос зохион байгуулсан олон нийтийн судалгааны үр дүн тус улсын таван иргэн, үйлдвэр эрхлэгч тутмын нэг нь төрийн байгууллагын эрх бүхий албан тушаалтанд хахууль өгсөнөө хүлээн зөвшөөрснийг харуулсан байна. Түүнчлэн таван иргэн тутмын нэг нь сүүлийн 2 жилийн хугацаанд ахуйн болон ажил мэргэжлийн асуудлаа шийдвэрлүүлэхийн тулд хувийн харилцаагаа ашигласан, бэлэг өгсөн, албан бусаар төлбөр хийснээ хүлээн зөвшөөрчээ.
Герман Улсын авлигатай тэмцэх үйл ажиллагаа төдийлөн амжилт олохгүй байна гэж ARD мэдээллийн төвөөс мэдээлэв. Европын Зөвлөлийн тайланд Бундестаг дахь хээл хахууль, лоббизмтой хийх тэмцлийг “бүхэлд нь авч үзвэл хангалтгүй” гэж үнэлсэн бөгөөд 2015 онд гаргасан заавар зөвлөмжийг хэрэгжүүлээгүй байна гэжээ.
Кремль, Засгийн газрын албан тушаалтнууд өнгөрсөн жилийн хөрөнгө, орлогын мэдүүлгээ мэдүүлэв. Хэн хамгийн их цалин авдаг вэ?
ОХУ-ын Ерөнхийлөгч Владимир Путины өнгөрсөн оны орлого 9.99 сая рубль байсан бөгөөд энэ нь 2019 онд мэдүүлж байсан 9.72 сая рублиэс 270 орчим мянган рублиэр илүү байна. Мэдүүлэг дэх түүний өмчлөлд бүртгэлтэй хөрөнгийн хэмжээ өнгөрөгч нэг жилийн хугацаанд өөрчлөгдөөгүй, 77м.кв талбай бүхий байр, 18м.кв гараж болон ГАЗ М21, “Нива” төрлийн тээврийн хэрэгсэлтэй байна.
Өнгөрсөн Лхагва гарагт Аэробус компанийн салбар Английн Засгийн газраас Саудын Араб Улсын батлан хамгаалахад үзүүлэх үйлчилгээний гэрээтэй холбоотойгоор авлигын хэрэгт буруутгагдаж, 28.1 сая фунт стерлингийн торгууль төлөхөөр болсон. Онц ноцтой залилангийн асуудалтай тэмцэх газраас тус компанийн 2008-2010 онд Саудын Арабтай хийсэн гэрээнүүдийг шалгасны үндсэн дээр Европын аэро-сансрын группын хуучин охин компани болох ЖПТ Тусгай төслийн удирдлагыг авлигын асуудалд Саусварк Кроуны шүүхээс буруутай гэж үзэв.
Авлигын эсрэг бүлэг нь гадаадын хөрөнгө оруулалт, тэр дундаа олон сая еврогоор тоологдох өмч, хөрөнгийн асуудлаар Ливан Улсын Төв банкны Ерөнхийлөгчийн талаарх гомдлыг Франц Улсад гаргасан. Эдийн засгийн гэмт хэргийн хохирогчдыг хамгаалах Шерпа гэх төрийн бус байгууллагын мэдэгдснээр тэрээр Франц Улс дахь үл хөдлөх хөрөнгийг “сэжигтэйгээр” худалдан авсан байна.
Гадаадын тусламжийг төлөвлөх асуудлыг хариуцдаг Төрийн департаментын Хууль сахиулах, олон улсын хар тамхитай тэмцэх газар нь дэлхийн хэмжээнд хууль ёсыг хэрэгжүүлэх салбарын шинэчлэлийн чухал оролцогч юм. Хууль сахиулах салбарын шинэчлэлд үүсч буй үндсэн саад тотгорын эсрэг Хууль сахиулах, олон улсын хар тамхитай тэмцэх газар болон уг байгууллагын хамтрагчид авлигатай тэмцэх хөтөлбөрүүдийг боловсруулан, хэрэгжүүлж байна.
Венесуэлын газрын тос, байгалийн хийн төрийн өмчит компанийн захирал асанд 12 тэрбум долларын хээл хахууль авсан асуудлаар 2 жил гаруй хугацаагаар хорих ялаар шийтгэжээ.
Хээл хахуулийн эсрэг тус намын байр суурь иргэдийн итгэлийг дээшлүүлнэ хэмээн шинжээчид үзэж байна. Авлига болон бусад ноцтой гэмт хэрэгт холбогдсон ч огцрох хүсэлгүй байгаа намын удирдлагуудаа түдгэлзүүлэхээ Африкийн үндэсний конгресс намаас мягмар гаригт мэдэгдсэн байна. Мөн Үндэсний ажлын хорооноос дээрх шийдвэрт хамааралтай бүх гишүүдэд албан захиа хүргүүлэхээ мэдэгдээд байна.