Бүгд Найрамдах Солонгос Улс 2020 оны “Авлигын төсөөллийн индекс”-ээр 33 дугаар байранд орсон талаар олон улсын “Transparency International” байгууллагын судалгаанд үндэслэн Yonhap News мэдээлсэн байна.
Төрийн өмчит Чайна Хауронг Ассет Мэнэжмэнт компанийн тэргүүн асан Лай Сяомин авлига авсан, хөрөнгө шамшигдуулсан, олон эхнэр авсан хэргээр цаазлуулсан болохыг БНХАУ-ын Төв телевиз мэдээлжээ.
Мөрдөх Төв Товчоо (МТТ) өөрийн хоёр албан тушаалтан болох цагдаагийн ахлах офицер RK Rishi, мөрдөгч Kapil Dhankad нарыг хээл хахуулийн хэрэгт холбогдуулан баривчилжээ. Зээлийн дефолт нь хэдэн мянган кроррупи хүрээд байгаа хоёр компанийн эсрэг явагдаж буй банкны луйврын мөрдөн байцаалтад нөлөөлөхийг оролдсон гэж тэднийг буруутгажээ.
АНУ-ын Ерөнхийлөгч асан Дональд Трампын засаг захиргаа албан тушаалынхаа сүүлчийн долоо хоногт Бүгд Найрамдах Ардчилсан Конго Улс (БНАКУ)-д авлигын хэрэгт буруутгагдсан Израилийн уул уурхайн магнат Дэн Гэртлэрийн эсрэг тавьсан хориг арга хэмжээг АНУ-ын Сангийн яамнаас олгосон зөвшөөрлийн дагуу зөөлрүүлсэн байна.
Энэтхэгийн Мөрдөх Төв Товчоо (МТТ) өнгөрөгч ням гарагт Зүүн хойд Хилийн Төмөр замын захиргааны албаны даргыг (барилга угсралтын) хувийн компанид ашигтай гэрээ байгуулахад нь давуу тал олгосны төлөө 1 крор рупи авсан хэргээр баривчилсан нь хээл хахуулийн хамгийн том хэргийг илрүүлсэн тохиолдол боллоо хэмээн албаны хүн мэдэгдсэн байна.
Нью-Йоркийн Зүүн дүүрэг дэх Нэгдсэн Улсын дүүргийн шүүхийн шийдвэрээр хээл хахуулийн улмаас хохирсон компанийн хувьцаа эзэмшигчдийг "авлигын хохирогч" гэж тооцон, 135 сая долларын хохирлыг баталгаажуулсан захирамж гаргасан нь чухал жишиг тогтоосон билээ. Энэхүү шийдвэр, захирамжийг Foreign Corrupt Practices Act буюу Гадаадын авлигын хэргийн тухай хуулийг зөрчсөн OZ Africa Management компанийг яллах ажиллагааны үеэр гаргасан юм. АНУ-ын эрсдэлийг удирдах сангийн[2] охин компани болох OZ нь Бүгд Найрамдах Ардчилсан Конго Улсын ашигт малтмалын нөөцийг хянахын тулд Израилийн тэрбумтан Дэн Гэртлэрийн бий болгосон хээл хахуулийн схемд оролцсон гэм буруутай болохоо шүүхэд мэдүүлсэн билээ. Хэрэг хаагдахын босгон дээр хээл хахуулийн уршигаар ашигт малтмалын эрх нь үнэгүйдсэн Канадын Africo компанийн хувьцаа эзэмшигчид эрүүгийн хэргийн яллагдагч үйлдсэн хэргийнхээ хохирогчид нөхөн төлбөр олгохыг шаардсан хууль болох Mandatory Victim Restitution Act буюу Хохирогчийн эрхийг заавал сэргээх тухай хуулийн дагуу хохирол нөхөн төлүүлэх тухай нэхэмжлэл гаргасан байдаг.
Авлига, хээл хахууль, хулгай, татвараас зайлсхийх зэрэг нь хөгжиж буй улс орнуудад жил бүр 1.6 их наяд доллараас багагүй хохирол учруулдаг. Энэ дүн нь зургаан жилийн хугацаанд 1.4 тэрбум хүнийг ядуурлын түвшингээс гаргахад хүрэлцэх юм.
Өмнөд Солонгос Улсын дээд шүүх Самсунг компанийн өв залгамжлагч Ли Жэ Ёнд хоёр жил зургаан сарын хорих ял оноолоо.
Түүний оролцсон хээл хахуулийн хэрэг нь хээл хахууль, авлигын хэргээр шоронд хоригдсон тус улсын Ерөнхийлөгч асан Пак Гын Хэн өмнөх хэрэгтэй холбогдсон.
Өмнөд Солонгос Улсад авлигатай тэмцэх шинэ зохицуулах байгууллага удахгүй ажиллаж эхлэх ба уг байгууллага нь төрийн өндөр албан тушаалтнууд, нөлөө бүхий хувийн компаниуд, тэдний ажилтнуудын оролцоотой хэргийг хариуцан ажиллах болно.
Авлига авсан албан тушаалтнуудын авлигын мөнгийг нуух хамгийн түгээмэл арга бол “оффшор компани” ашиглах явдал юм. Энд яригдаж буй "оффшор компани" нь компани, итгэлцлийн сан эсвэл бусад хуулийн этгээдийн хэлбэртэй байж болно. Өөр бусад улсын хууль тогтоомжоор зохицуулагддаг тул үүнийг “эргийн гадна”, “хилийн чанадад” гэсэн утгатай “оффшор” гэдэг үгээр нэрлэдэг. Авлигад авсан буюу хулгайлсан хөрөнгө, түүгээр худалдаж авсан хөрөнгийг хилийн чанад дахь буюу оффшор байгууллагын нэр дээр бүртгүүлдэг.
