БНХАУ-д үүсгэсэн авлигын хэргийн мөрдөн шалгах ажиллагааны хэсэг Хонконгод явагдсан нь Хятадын коммунист нам өөрийн газар нутгийн гадна хүрэх чадвартайг харуулж байна. Хятадын Хуарон хөрөнгийн менежментийн компанийн Хонконг дахь охин компаниудын ажилтнуудыг компанид паспортоо хураалга эс бөгөөс тодорхойгүй шийтгэл хүлээлгэнэ гэсэн байна.
Европын холбооны хууль сахиулах байгууллагууд Нэмэгдсэн Өртгийн албан татварын (НӨАТ) залилангийн хэрэгт холбогдуулан Европ даяар 58 сэжигтнийг баривчилж, олон тооны машин, бичиг баримт болон 477,000 ам доллар хураан авчээ. Энэхүү залилангийн улмаас Европын холбооны эдийн засаг 70 сая ам.долларын алдагдал хүлээсэн юм.
ОХУ-ын Ерөнхийлөгчийн Тамгын газрын дарга Антон Вайногоор ахлуулсан Авлигатай тэмцэх зөвлөл хуралдаж, Авлигатай тэмцэх үндэсний төлөвлөгөөний талаар хэлэлцсэн тухай мэдээ Кремлийн цахим хуудаст тавигдсан байна. Ерөнхийлөгчийн Тамгын газрын Авлигатай тэмцэх асуудал хариуцсан дарга Андрей Чоботов оролцогчдод 2018-2020 оны Авлигатай тэмцэх үндэсний төлөвлөгөөний талаар танилцуулжээ.
Өнгөрсөн мягмар гарагт Их Британи улсын парламентын гишүүд тус улсын харьяа улс орнуудыг оффшор данс эзэмшигчдийнхээ мэдээллийг ил болгохыг үүрэг болгосон байна. Энэ нь, зарим намын төлөөлөл Мөнгө угаахтай тэмцэх, хориг арга хэмжээний тухай хуульд нэмэлт өөрчлөлт оруулах санал гаргасантай холбоотой ажээ.
Их Британи улсад ил тод байдлыг хангах, ядуурлыг бууруулах чиглэлээр үйл ажиллагаа явуулдаг төрийн бус байгууллага болон хувь хүмүүс Мөнгө угаахтай тэмцэх хуульд өөрчлөлт оруулах замаар татварын хөнгөлөлт үзүүлдэг харьяа улс орнуудын санхүүгийн мэдээллийг нууцлах явдлыг зогсоохыг шаардсан байна.
Нигер улсын Авлига болон бусад төрлийн гэмт хэргийг шалгах бие даасан хороо тус улсад тусгай шүүх байгуулах саналыг дэмжиж байгаа гэж Хуульчдын холбооны хурал дээр түүний төлөөлөгч нь хэлсэн байна.
Өнгөрсөн баасан гарагт БНХАУ-ын Сахилга батыг хянан шалгах хорооны цахим хуудсанд ядуурлыг бууруулах төсөлтэй холбоотой авлига, зүй бус үйлдлийн тухай дэд цэс нэмсэн байна.
Гана Улсын Авлигын эсрэг хамтын түншлэл авлигын талаар үнэн зөв мэдээлэл өгсөн иргэдийг шагнадаг байх журмыг бий болгосон талаар тус түншлэлийн хэвлэлийн төлөөлөгч мэдээлсэн байна.
Энэ мягмар гарагт Египет Улсын Цэргийн шүүхээс Авлигатай тэмцэх газрын дарга асан Хешам Гененад зэвсэгт хүчнийг доромжилсон хэрэгт 5 жилийн ял оноолоо.
Их Долоогийн бүх орнууд болон Австри, Бүгд найрамдах Чех улсууд “Олон Улсын Валютын сан”-гаас баян улсууд авлигатай тэмцэх чиглэлд хангалттай ажиллаж байгаа эсэхийг шалгах шинэ үнэлгээнд хамрагдахаар зөвшөөрчээ.