Мьянмар Улс Авлигатай тэмцэх хороог шинэчлэн байгуулж даргаар нь тэтгэвэрт гарсан, өмнө нь сайдаар ажиллаж байсан генерал Ю Киав Кюг томилжээ. Тэрээр олон нийтийн дунд нэр хүнд цэвэр, ёс зүйтэй хүн хэмээн хүндлэгддэг тул хороог амжилттай сайн удирдана хэмээн найдаж байгаа аж.
Зуу зуун иргэд Перугийн Ерөнхийлөгч асан Алберто Фужимориг өршөөснийг эсэргүүцэж хоёр дахь өдрөө жагсч байна. Жагсагчид Фужиморигийн хэвтэж байгаа эмнэлгийн гадаа хүрч “Урвагч”, “Өршөөлийг болиулах хэрэгтэй” гэх мэтээр хашгирч эсэргүүцлээ илэрхийлж байгаа аж.
Австрали Улсын Засгийн газраас төрд итгэх олон нийтийн итгэлийг нэмэгдүүлэх зорилгоор холбооны Авлигатай тэмцэх газар байгуулах талаар судалж байна.
БНХАУ-ын Засаг захиргааны онцгой бүс Хонг Конгийн Авлигатай тэмцэх бие даасан хороо энэ онд санхүүгийн болон даатгалын салбартай холбоотой 177 гомдол мэдээлэл хүлээн авсан нь өнгөрсөн онтой харьцуулахад 20 хувиар өссөн үзүүлэлттэй гарчээ. Мөн тэдний гомдол мэдээлэл нь компаниудын бусдыг хуурах зорилгоор хуурамч баримт бичиг боловсруулсан, хахууль авч зээл олгосон, бизнест дэмжлэг үзүүлсэн, зөрчилтэй тендер зэрэг асуулдуудтай холбоотой байжээ.
Олон улсын олимпын хороо, Спорт дахь авлигатай тэмцэх олон улсын түншлэлтэй хамтран авлигатай тэмцэх 3 ажлын хэсэг байгуулахаар болсон тухайгаа мэдээлжээ.
ОХУ-ын Дотоод хэргийн яамны Эдийн засгийн аюулгүй байдал, авлигатай тэмцэх газар (ДХЯЭДАБАТГ)-ын дарга асан Денис Сугробовын чанга дэглэмтэй хорих ангид 22 жил хоригдох байсан ялыг ОХУ-ын Дээд шүүхээс 12 жил болгон бууруулсан талаарх мэдээ 2017 оны 12 дугаар сарын 19-ний өдөр нийтлэгджээ.
ОХУ-ын Ерөнхий сайд Дмитрий Медведев тус улсын Иргэний нисэхийн ерөнхий газрын даргад хариуцлага тооцсон мэдээлэл 2017 оны 12 дугаар сарын 19-нд нийтлэгдсэн байна. Үүнтэй холбогдуулан ТАСС агентлаг 2010 оноос хойшхи хугацаанд сахилгын арга хэмжээ авахуулсан төрийн албан тушаалтнуудын талаар мэдээ бэлтгэжээ.
Өнгөрсөн баасан гарагт Москва хотын шүүх ОХУ-ын Эдийн засгийн хөгжлийн сайд асан Алексей Улюкаевт холбогдох 2 сая ам.долларын хахуулийн хэргийг хянаж шалгаад түүнийг чанга дэглэмтэй хорих ангид 8 жил хорих, 130,000 рублийн торгууль оногдуулах шийдвэр гаргасан байна. Үүнтэй холбогдуулан ТАСС агентлаг бусад орнуудад сайд нартай холбоотой эрүүгийн хэргийг хэрхэн хянан шалгаж, шийтгэл хүлээлгэдэг талаар мэдээ бэлтгэжээ.
Индонез Улс 12 дугаар сарын 9-ний өдрөөр авлигатай тэмцэх чиглэлээр хийсэн ажлаа дүгнэж, ирээдүйн зорилтоо тодорхойлох баярын өдөрлөг зохион байгуулжээ. Уг арга хэмжээнд тус улсын Ерөнхийлөгч болон бусад албаны хүмүүс оролцсон байна.
2016 оны 9 дүгээр сарын 28-наас БНСУ-д хэрэгжиж эхэлсэн Зүй бус сэдэл төрүүлэх ба авлигыг хориглох хууль нь илүү сайн дүн хүүхдэд тавихын төлөө бэлэг авдаг багш нар, нэр хүнд дээшлүүлэх, эерэг мэдээллийн төлөө бэлэг авдаг хэвлэл, мэдээллийн ажилтнууд болон хүнд суртал, шат дарааллыг хурдасгахаар бизнес эрхлэгчдээс бэлэг авдаг төрийн албан хаагчдын эсрэг үйлчилдэг.
