Колумб Улсын Авлигатай тэмцэх байгууллагын даргаар ажиллаж байсан хүнийг АНУ-ын шүүх авлигын хэрэгт буруутган, 4 жилийн хорих ял оноосон байна.
Шри Ланка Улсын Ерөнхийлөгч Майтрипала Сирисена шинэ оны мэндчилгээндээ 2019 оныг авлигатай тэмцэх жил болгож байгаагаа зарлаж, улсын хэмжээнд авлигын эсрэг өргөн хэмжээний хөтөлбөр хэрэгжүүлнэ гэж мэдэгдсэн байна.
БНХАУ-ын шүүх Тагнуулын байгууллагын даргаар ажиллаж байсан хүнийг хахууль авч, бизнесийн гэрээ хэлэлцээр болон худалдаа арилжаанд нөлөөлсөн гэх үндэслэлээр бүх насаар нь хорих ял оноосон байна.
Өнгөрсөн Баасан гарагт Сицилийн цагдаа нар “алдарт” Корлеонийн мафийн бүлэглэлийн үйлдсэн мөнгө угаах гэмт хэргийг шалгах ажлын хүрээнд Итали, Испани, Андорра дахь хийн компаниуд, үл хөдлөх хөрөнгө, машин, бэлэн мөнгийг битүүмжлэн хураан авчээ.
Мьянмар Улсын Авлигын эсрэг хороо ирэх онд Янгон болон Мандалая хотуудад шинэ салбарууд байгуулахаар төлөвлөж байна. Хууль батлагчдын зүгээс тус хороог шинэ салбаруудтай болохыг зөвлөж байгаа бөгөөд хороо ирэх оноос эхлэн төсвийн боломжит байдлаас шалтгаалан жил бүр шинэ салбарууд нээхээр төлөвлөсөн тухайгаа мэдэгджээ.
Саудын Арабын Улсын Сайд нарын зөвлөл хуралдаж, Авлигын эсрэг үндэсний хорооны удирдлагыг НҮБ-ын Хөгжлийн хөтөлбөрийн төлөөлөгчтэй уулзаж, төрийн байгууллагуудын авлигын эсрэг удирдлагын эрсдэлийн төсөл хэрэгжүүлэх зорилгоор харилцан ойлголцлын санамж бичиг байгуулах үүрэг өгсөн байна.
Нигери Улсын Ерөнхийлөгч Мухаммед Бухари тус улсын Засгийн газрын зүгээс авлигын эсрэг үндэсний академийг дэмжин ажиллаж, түүнийг авлигатай тэмцэх болон бусад чиглэлийн байгууллагуудын сургалтын төв болгож, Африк тивийн шилдэг сургуулийн түвшинд хүргэнэ гэж Авлигын эрсдэлийн үнэлгээ сэдвээр зохион байгуулагдсан сургалтан дээр мэдэгдсэн байна.
Кувейт улсын авлигатай тэмцэх байгууллагын мэдээлснээр, энэ жил ойролцоогоор 12,000 хүн хөрөнгийн мэдүүлэг гаргасан бөгөөд хуульд заасан албан тушаалтнуудын 95 хувь нь мэдүүлсэн үзүүлэлт гарсан байна.
Жил бүр дэлхийн дотоодын нийт бүтээгдэхүүний тав гаруй хувьтай тэнцэх хэмжээний мөнгийг хахуульд өгч, бас авлигын замаар хулгайлагдаж байна гэж НҮБ-аас мэдээлсэн байна.
Хятад улсын хууль сахиулах байгууллага 2015 оноос хойш идэвхитэй ажилласны үр дүнд эдийн засгийн гэмт хэрэгт сэжиглэгдэн, шалгагдаж байгаад гадаадын улс орнуудад оргон зайлсан 4800 гаруй авлигачдыг амжилттай эргүүлэн авчирсан байна.