Англи Улсын удирдлагууд гэмт хэрэгтнүүдийг улс оронд нь мөнгө угаалгалгахгүй гэсэн амлалт өгдөг боловч тус улсад бүртгэлтэй 127 нууц компанийн сүлжээ мөнгө угаах, хээл хахууль болон одоо шүүхээр хэрэг нь шийдэгдэж буй Доналд Трампын сонгуулийн компанит ажлын менежир Паул Манафорттой холбоотой болох нь тогтоогджээ.
Малайзын бага орлоготой иргэдэд тараадаг бэлэн мөнгөнд авлигын гэмт хэргийн элемент байх тул зогсоох шаардлагатай гэж Эдийн засгийн сайд Азмин Али хэлжээ. Бэлэн мөнгийг тарааж өгөх нь иргэдээс дэмжлэг авах зорилготой хээл хахууль хэмээн ойлгогдохоор байна гэжээ. Ерөнхий сайд Махатир Мохамед хэвлэлд өгсөн ярилцлагадаа дээрх шалтгааны улмаас иргэдэд тараах мөнгийг бага багаар багасгасаар нэг мөсөн зогсооно гэсэн байна.
Исламабад: Пакистаны шинэ Засгийн газар ерөнхийлөгч, ерөнхий сайд болон бусад төрийн өндөр албан тушаалтнуудыг төсвийн мөнгийг хувийн хэрэгцээнд хэтрүүлэн ашиглах мөн онгоцны нэгдүгээр зэрэглэлээр нисэхийг хориглох шийдвэр гаргалаа.
Өнгөрсөн баасан гарагт Сөүл хотын дээд шүүх давж заалдах шатны шүүх хурлаар Ерөнхийлөгч асан Парк-Гинхэгийн ялыг нэг жилээр нэмэх шийдвэр гаргалаа.
Тайланд Улс авлигын эсрэг хууль шинэ хууль баталж, хэрэгжүүлж эхлээд байна. Энэхүү хууль хэрэгжиж эхэлснээр 1999 онд батлагдсан Авлигатай тэмцэх хууль болон түүний нэмэлт өөрчлөлтүүд хүчингүй болж байгаа юм.
Филиппиний эдийн засаг гадаадад ажилладаг хүмүүсийнхээ орлого дээр тогтдог. Тэд жил бүр 26 тэрбум ам доллар эх орондоо оруулж ирдэг бөгөөд Засгийн газраасаа огт дэмжлэг аваагүй ч авлигад автсан төрийн албан хаагчдын бэлэн мөнгөний саалийн үнээ болдог байна.
Хятадын Хунан мужийн Коммунист намын хорооны Олон нийттэй харилцах хэлтсийн дарга Зан Веншион авлига авсан болон тодорхойгүй эх үүсвэрээс олсон их хэмжээний хөрөнгө эзэмшдэг хэргээр 15 жил хорих, 2 сая юаны торгууль төлөх ял сонслоо. Зангийн хууль бус хөрөнгийг улсын санд хураахаар шүүх шийдвэрлэжээ.
Колумби Улсын Авлигатай тэмцэх газрын (АТГ) дарга асан Луис Густаво Морено Ривера (35 настай) мөнгө угаах схемд оролцсон хэргээр ял сонсох гэж байна. 2016 онд гарсан энэхүү авлигын хэрэгт 11 улс төрч 8 шүүхийн албан тушаалтан холбогдсон байх магадлалтай байна.
Их Британий Үндэсний гэмт хэргийн агентлаг Лхагва гарагт Европ даяар хамгийн их эрэн сурвалжлагдаж байсан гэмт хэрэгтэн 43 настай Флорин Гинеаг баривчилжээ. Тэрээр хүний амь хороох болон Румынаас Ирланд, Финланд, Дубай рүү хүн наймаалах зэрэг ноцтой хэргүүдэд сэжиглэгдэн Европолд эрэн сурвалжлагдаж байсан юм.
Европын холбооноос гадаад улсын баян хүмүүст иргэншил олгодог Унгар, Малта, Кипр, Латви, Австри, Грек, Литва, Португал гэсэн 8 гишүүн улсыг хяналтад оруулна. Энэхүү алхам нь Европын холбооноос мөнгө угаах, авлигын гэмт хэрэгтэй эрчимтэй тэмцэж эхэлсэн болон Оросын Холбооны Улсаас бохир мөнгө Европын холбоонд орж ирж байх магадлалтай гэсэн хардлагаас үүдэлтэй аж.
