Авлигатай тэмцэх газар жил бүрийн хоёрдугаар сарын 15-нд багтааж нийтийн албан тушаалтнуудаас хөрөнгө орлогын мэдүүлгийг нь авдаг. АТГ-ын Олон нийттэй харилцах ажилтан Д.ЦЭНД-АЮУШААС энэ талаар тодрууллаа. -Хуулиар хүлээсэн үүргийн дагуу мэдүүлэг гаргагч албан тушаалтнуудаас 2013 оны хувийн ашиг сонирхлын мэдүүлэг болон хөрөнгө орлогын мэдүүлгийг энэ сарын 15 хүртэл авсан. Нэгтгэж дууссан уу? Авлигын эсрэг хууль, Нийтийн албанд нийтийн болон хувийн ашиг сонирхлын зохицуулах, ашиг сонирхлын зөрчлөөс урьдчилан сэргийлэх тухай хуулийн хүрээнд мэдүүлэг гаргагч албан тушаалтан нь хувийн ашиг сонирхлын мэдүүлэг болон хөрөнгө, орлогын мэдүүлгээ нийтийн албанд томилогдсон, сонгогдсоноосоо хойш 30 хоногийн дотор, цаашид уг мэдүүлгээ жил бүрийн хоёрдугаар сарын 15-ны дотор шинэчлэн мэдүүлэх үүргийг хүлээдэг. Одоо мэдүүлгийн бүрдүүлэлтийн мэдээ тайланг нэгтгэх ажил хийгдэж байна. ...
Монгол Улсын Засгийн газар Дэлхийн банкны Байгууллагын чадавхийг хөгжүүлэх сангаас Авлигатай тэмцэх газрын чадавхийг бэхжүүлэх төслийг хэрэгжүүлж байна. АТГ-ын чадавхийг бэхжүүлэх төслийн зорилго нь: (a) Хөрөнгө орлогын мэдүүлэг болон Хувийн ашиг сонирхлын мэдүүлгийг үр дүнтэй хэрэгжүүлэх; мөн (b) Монгол Улсын авлигын индексийн судалгааны аргачлал, түүнд дүн шинжилгээ хийх болон ашиглалтыг сайжруулах юм. ...
УРЬДЧИЛАН СЭРГИЙЛЭХ, СОЁН ГЭГЭЭРҮҮЛЭХ ЧИГЛЭЛЭЭР 2014 ОНЫ НЭГДҮГЭЭР САРД:
Хөндлөнгийн шинжээчдээс бүрдсэн баг төрийн байгууллагуудын авлигаас урьдчилсан сэргийлэх чиглэлээр 2013 онд хэрэгжүүлсэн үйл ажиллагаанд үнэлэлт өгөх ажлыг хийж гүйцэтгэсэн. Хамгийн бага үнэлгээ авсан хоёр байгууллагад авлигаас урьдчилан сэргийлэх, ил тод, нээлттэй байдлыг хангахад чиглэсэн нэг бүрчилсэн арга хэмжээ авч хэрэгжүүлж байна. Түүнчлэн эдгээр байгууллагуудын 2014 оны авлигын эсрэг үйл ажиллагааны төлөвлөгөө боловсруулахад арга зүйн зөвлөгөө өгөх, дэмжлэг үзүүлэх хамтарсан ажлын хэсэг байгуулан ажиллаж байна.
Авлигатай тэмцэх газраас төрийн үйлчилгээний хүнд суртлыг багасгах, ёс зүйтэй төрийн албыг төлөвшүүлэх, хуулиар хүлээсэн үүргээ хэрэгжүүлэхэд нь дэмжлэг туслалцаа үзүүлэх зорилгоор Монгол Улсын Засгийн газартай хамтран 2008 оноос яам, агентлаг, аймаг, нийслэлийн түвшинд авлигаас урьдчилан сэргийлэх чиглэлээр төлөвлөгөө баталж хэрэгжүүлэх ажлыг зохион байгуулж ирсэн билээ.
Хамтдаа төслийн хүрээнд Нийслэлийн Эрүүл мэндийн газар АТГ-тай хамтран Нийслэлийн III амаржих газарт авлигаас урьдчилан сэргийлэх, соён гэгээрүүлэх, ил тод байдлыг хангуулах чиглэлээр 2013 оны 11 дүгээр сараас 2014 оны 1 дүгээр сарын 21-ний хугацаанд тодорхой арга хэмжээг авч ажиллажээ.
Ийм асуултыг хүмүүст тавьж үзлээ. Ялангуяа бизнес эрхлэгчдийн хувьд хүссэн хүсээгүй хэн нэгний гарыг хүндрүүлэх шалтгаан гардаг гэнэ. Харин авлига гээчийг өгсөн нь авсантайгаа хамт бурууддаг учир авлигыг хэнд, хэзээ өгснөө тодорхой ярих хүн тааралдсангүй. Юуны учир гар хүндрүүлсэн тухайгаа нэрээ хэлэхээс татгалзсан эх сурвалжууд ийн өгүүлж байна.
