Эквадор Улсын Дэд ерөнхийлөгч Хорхе Глас албан тушаалаасаа чөлөөлөгдсөн талаар тус улсын El Comercio сонинд бичсэн байна. Уг сонинд бичсэнээр, Эквадор Улсын Хяналтын төв байгууллагын дарга Павло Сели ийм шийдвэр гаргаж, тэр тухайгаа бичгээр Хөдөлмөрийн яаманд мэдэгджээ.
Вьетнамын Уул уурхай, байгаль орчны яамны ахлах ажилтан Нгуен Шуан Куан орон нутгийн компаниудад шалгалт хийж явах үедээ зочид буудлын өрөөнөөс 17600 ам доллар болон хувийн компьютертэй цүнхээ алдсанаа цагдаад мэдүүлжээ. Тус улсын төрийн албан хаагчдын жилийн цалингийн орлого 5000 ам.долларт хүрдэггүй байтал албан томилолтоор яагаад ийм их хэмжээний мөнгөтэй явсан болон үүнийг хөрөнгө, орлогын мэдүүлэгтээ тусгаагүй нь олон нийтийн анхаарлыг гойд татаж байна.
Бельги Улс 2017 оны 9 дүгээр сарын 11-нээс эхлэн тодорхой тооны том компаниудыг санхүүгийн бус мэдээллээ албан ёсоор мэдүүлж байх шинэ хууль хэрэгжүүлж эхэлсэн байна.
Тайландын авлигын эсрэг шинэчлэлийн хорооноос авлигаас урьдчилан сэргийлэх ба хяналт, урьдчилан сэргийлэх арга хэмжээ, авлигыг таслан зогсоох болон авлигатай тэмцэх байгууллагууд гэсэн дөрвөн үндсэн чиглэлийн хүрээнд ажиллах санал боловсруулсан байна
БНСУ-ын таеквондогийн спортын салбар нь бусад төрлийн спортоос хамгийн олон тооны авлигын хэргийн гомдол хүлээн авдаг байна. Тус улсын Соёл, спорт, аялал жуулчлалын яамны Спортын авлигын хэргийн гомдлын төвд 2014-2017 оны 8 дугаар сарын хооронд 742 авлигын хэргийн мэдээлэл ирсэн хэмээн Солонгосын Эрх чөлөөний намын төлөөлөгч Квак Сан-до мэдэгджээ.
Индонез Улсын Ерөнхийлөгч Жоко Видодо дотооддоо авлигатай тэмцэх тусгай нэгж байгуулах цагдаагийн байгууллагын санаачилгыг бүх талаар дэмжихээ илэрхийллээ. Тус нэгжийг байгуулах санаачилгыг өнгөрсөн сард парламентын сонсголын үеэр цагдаагийн байгууллага анхлан тавьсан бөгөөд ирэх оны эхээр албан ёсоор ажиллаж эхлэхээр төлөвлөж байна.
Словак Улсад анх удаа төрийн өндөр түвшний албан тушаалтнууд авлигын хэргээр шийтгэгдсэн юм байна. Тус улсын Барилга, орон нутгийн хөгжлийн шинэ, хуучин сайд нар салбарын хууль тогтоомжийг сурталчлах 141 сая ам.долларын өртөг бүхий тендерийг намтай нь ойр харилцаатай компанид олгох ажлыг зохион байгуулсан хэргээр шийтгэгджээ.
Пакистан Улсын Ерөнхий сайд асан Наваз Шарифыг Панамын баримт бичигтэй холбоотой авлигын хэргээр хариуцлагад татсан байна. Өнгөрсөн пүрэв гарагт Пакистан Улсын авлигын эсрэг шүүх Шариф болон түүний охиныг Лондон хотод үл хөдлөх хөрөнгө эзэмшдэг байж болзошгүй гэх үндэслэлээр хариуцлагад татаж, хорих ял оноож магадгүй болоод байгаа ажээ.
Авлигын эсрэг Номхон далайн бүс нутгийн сургалтад Омбудсманы мөрдөгч, Аудитын газрын алба хаагч нар хамрагдаж, авлигын хэргийг мөрдөн шалгах чадвараа нэмэгдүүлсэн байна.
