Өнгөрсөн ням гарагт Вьетнам улсын газрын тосны томоохон компани болох “Петровьетнам” компанийн удирдах албан тушаалтан Динх Ла Танг-ийг ажлаас нь чөлөөлсөн байна.
HSBC банк үйлчлүүлэгчийнхээ мэдээллийг задруулсан гэж нэгэн хүний олон нийтэд дэлгэсэн мэдээллийн дагуу мөнгө угаасан, залилан хийсэн гэх үндэслэлээр Испани улсын Дээд шүүх мөрдөн байцаалт явуулж, шалгахаар боллоо гэж өнгөрсөн пүрэв гарагт Рутерс агентлаг мэдээлсэн байна.
БНХАУ-ын Шеньчжень хотод болсон хөрсний гулсалтын улмаас 73 хүн амь үрэгдсэнтэй холбогдуулан өнгөрсөн баасан гарагт шүүх хурал болж, 45 хүн шийтгэгдсэн байна.
Үндэсний аюулгүй байдлын хуралдааны үеэр Туркменистан улсын ерөнхийлөгч Бердымухамедов авлигын хэрэгт холбогдсон Ерөнхий прокурорыг чөлөөлөх тухай хүсэлтээ Парламентад хүргүүлж, мөн хэрэгт холбогдсон хэд хэдэн прокурорыг албан тушаалаас нь халсан байна.
Өнгөрсөн пүрэв гарагт Грек улсын Батлан хамгаалахын сайд асан Цохадзопулос шүүхээс түүнд оноосон 20 жилийн хорих ялын 5 жилийг нь эдлээд гарсан байна.
БНХАУ-ын Аньхой мужийн захирагч асан Чэнь Шулун зөрчил гаргаж, намаасаа хөөгдөж, албан тушаалаасаа огцорсон гэж Коммунист намын Сахилга бат шалгах хороо болон Хяналтын яамнаас хамтарсан мэдэгдэл гаргасан байна.
Молдав Улсын гаалийн газрын шалган нэвтэрүүлэхийн 12 албан хаагч авлигын хэрэгт холбогдоод байгаа талаар тус улсын Авлигын эсрэг үндэсний төвөөс мэдээлсэн байна.
Өнгөрсөн лхагва гарагт кампанит ажил явуулж, хууль сахиулах салбар дахь авлигын болон бусад төрлийн зөрчлийг илрүүлэхээ БНХАУ-ын Дээд шүүх мэдэгдсэн байна.
ОХУ-ын Буриадын автономит улсын тэргүүн Алексей Цыденовын 2016 оны орлого өмнөх онтой харьцуулахад 200,000 рублиэр өсч, 3,5 сая рубль болсон байна гэж “Байкал24” мэдээллийн агентлаг мэдээлсэн байна. Харин түүний эхнэрийн орлого 2015 онд 24,000 рубль байсан бол 2016 онд 4,1 сая рубль болж өсчээ.
Өнгөрсөн ням гарагт Саудын Арабын нийслэл Эр-Рияд хотод Персийн булангийн Хамтын ажиллагааны зөвлөл (“ПБХАЗ”)-ийн гишүүн орнуудын Авлигатай тэмцэх байгууллагуудын төлөөлөгчдийн уулзалт болж, шударга байдлыг нэмэгдүүлэх, авлигатай тэмцэх асуудлаар санал солилцсон байна.
