Ангол Улс болон тус улсыг колончилж байсан Португал улсын хооронд улс төрийн эгзэгтэй нөхцөл байдал үүсээд байна. Ангол Улсын дэд ерөнхийлөгч ба төрийн өмчийн газрын тосны компанийн дарга асан Мануэл Висэнтийн авлигын хэргийг Лисбонд шалгаж байна. Тэрээр өөрийн Португал улс дахь үл хөдлөх хөрөнгийг нь мөрдөн шалгах ажиллагааг зогсоохын тулд тус улсын прокурор Орландо Фигуейрад 760000 еврогийн хахууль өгсөн мөн Ангол улсын банкинд ажил санал болгосон хэрэгт шалгагдаж байгаа аж.
БНСУ-ын Авлигын эсрэг, иргэний эрхийн хороо 2017 онд нийт 2 тэрбум 869 сая воныг авлига болон нийтийн ашиг сонирхлын эсрэг гэмт хэргийн мэдээлэгчдэд урамшуулал болгон өгсөн байна.
Сингапурын 9, Вьетнамын 2 иргэн “Shell” компанийн Сингапур дахь “Pulau Bukom” газрын тос олборлох үйлдвэрээс шатахуун хулгайлсан хэргийг шийдвэрлэх шүүх хурал үргэлжилж байна. Шүүхийн баримтуудаас үзэхэд тэд 2017 оны 11 дүгээр сар, энэ оны 1 сарын 5-7-ны өдрүүдэд гурван удаагийн үйлдлээр 2.4 сая сингапур долларын үнэ бүхий 4384 тонн шатахуун хулгайлжээ.
Сингапур Улсад төвтэй “Equip Global” компаниас “Худалдан авах ажиллагаан дахь залилантай тэмцэх нь” сэдэвт сургалтыг 2018 оны 3 дугаар сарын 13-15-ны өдрүүдэд Сингапурт зохион байгуулах гэж байна.
Малдив Улсын Засгийн газар хулгайлагдсан буюу шамшигдуулсан төрийн хөрөнгийг илрүүлэх, буцаан авчрах асуудлыг зохицуулах тусгайлсан хууль батлахаар төлөвлөж байна хэмээн Ерөнхий Прокурор Мохамед Анил өнгөрсөн баасан гарагт мэдэгдлээ.
Өнгөрсөн лхагва гарагт Хятадын Үндэсний хорооны Ардын улс төрийн зөвлөлийн хурлын удирдагчид уулзаж, авлигын эсрэг Ерөнхийлөгч Ши Жиньпиний өгсөн үүрэг даалгаврын талаар ярилцсан байна.
Азербайжан улсын Ерөнхий прокурорын газрын дэргэдэх авлигатай тэмцэх хэлтсийн дарга 2017 онд хамгийн их авлигад өртсөн салбаруудыг нэрлэсэн байна.
Египет улсын хууль сахиулах байгууллага авлигын хэрэгт Каир хотын хойд хэсэгт орших мужийн захирагч Мануфия Хишам Абдель Басет гэгчийг болон хэд хэдэн бизнес эрхлэгчийг баривчилсан байна.
Өндөр түвшний төрийн албан тушаалтнуудыг шалгах чиг үүрэгтэй нэгж байгуулах тухай Болгар Улсын Парламентын хуулийн төсөлд тус улсын Ерөнхийлөгч хориг тавьсан ч Парламент түүнийг нь хүлээж аваагүй байна.
Хунтайж, томоохон бизнес эрхлэгч нарыг шалгаж буй идэвхтэй ажлынхаа хүрээнд гадаадын улс оронд орогнож буй сэжигтнүүдийг эргүүлэн авчирна гэж Саудын Арабын прокурор мэдэгджээ. Тухайлбал, тэдгээр сэжигнүүдтэй холбоотой нотлох баримт цуглуулж байгаа бөгөөд удахгүй шүүхийн шийдвэр гаргуулан, гадаадын улс орнуудын эрх бүхий байгууллагуудад хүсэлтээ хүргүүлж, тэднийг эргүүлэн авчрах юм байна.
