Олон улсын стандартчиллын байгууллага олон улсын бусад байгууллагатай 2 жилийн хугацаанд хамтран ажиллаж, олон улсад тулгараад байгаа авлигын асуудлыг шийдвэрлэхэд баримтлах “Стандарт 37000”-ыг боловсруулсан байна.
Уганда Улсын Хуульчдын холбооны ээлжит уулзалтын үеэр тус улсын Хууль зүйн сайд ноён Барт Катуриби оролцож, Хуульчидтай холбоотой Авлигын эсрэг тунхаглал гаргажээ. Уг тунхаглалын хүрээнд хуульчид шүүх засаглалын хийсэн буруу үйлдлийг илрүүлж, мэдээлж ажиллах юм.
Малайз улсын Гаалийн газрын даргаар саяхан томилогдсон ноён Датук Суброманиан байгууллагынхаа хэмжээнд бий болсон авлигын асуудалд анхаарч, тэмцэхээ мэдэгдэв. Тэрээр “Манай байгууллагад шударга хүмүүс байгаа хэдий ч бас шударга бус хүмүүс ч бий” гэжээ.
ОХУ-ын Ерөнхий прокурорын газар тус улсын Ерөнхийлөгчийн тамгын газарт хуульд өөрчлөлт оруулж, төрийн албан хаагчдын зарлагыг ажиллах хугацаанд нь, мөн ажлаас гарснаас нь хойш ч хянадаг болгох тухай санал хүргүүлжээ.
Хоёр сарын хугацаанд шалгагдсаны эцэст, ноён Майкл Апплбаумын шүүх хурлын тов зарлагдсан байна.
Киргистан улсын эрх бүхий мөрдөн шалгах байгууллагууд тус улсын Хууль зүйн сайдаар ажиллаж байсан, парламентын гишүүн, Ата-Мекен намын даргын үүргийг түр гүйцэтгэгч Алмамбет Шыкмаматовт холбогдуулан эрүүгийн хэрэг үүсгэж, түүний хил гарах эрхийг хязгаарласан байна.
Тайланд Улсын Авлигын эсрэг үндэсний хороо тус улсын Аялал, жуулчлалын газрын дарга Жутамас Сириван-г олон улсын кино наадмыг зохион байгуулах эрхийг АНУ-ын киноны найруулагч Грийнс-ийн гэр бүлд 2003 – 2006 онд өгч, хариуд нь их хэмжээний хахууль авсныг тогтоож, түүнийг 50 жилийн хугацаагаар хорих ял, мөн хэрэгт оролцсон түүний охиныг нь 44 жилийн хугацаагаар хорих ялаар шийтгэжээ.
Транспарэнси интернашэнл байгууллагын гаргадаг авлигын индексийн судалгаагаар ОХУ 29 оноотойгоор 131-р байранд жагсжээ. 2016 оны судалгаагаар нэгдүгээр байранд Дани улс орсон бол ОХУ нь Иран, Непал, Кахакстан, Украйн зэрэг улсуудтай ойролцоо жагссан байна.
Сахилга батыг хянан шалгах хорооны авлигатай тэмцэх газрын орлогч дарга Ли Шулэй-г тус хорооны дэргэдэх, оргон зайлсан хэрэгтнүүдийг баривчлах, хулгайлагдсан хөрөнгийг буцаан авчирах чиг үүрэгтэй нэгжийн даргаар томилсон байна.
Перлис муж дахь Малайзын Авлигатай тэмцэх газар авлигын хэргээр цагдаагийн хоёр албан хаагчийг баривчилжээ.