Палм Спрингс хотын захирагч асанд авлигын хэрэгт холбогдуулсан эрүүгийн хэргийн шалгах ажиллагаа
Гардиан 2017.02.14. Риверсайд дүүргийн прокурорын газар Палм Спрингс хотын захирагчтай холбоотой эрүүгийн хэргийн талаар мэдээлэл өгөв. Холбооны мөрдөх товчоо 2015 оны 9 дүгээр сарын 1-ний өдөр Палм Спрингс хотын захирагч асан Стив Поугнет-ийн гэр болон албан тасалгаанд нэгжлэг хийж бичиг баримт, эд зүйл хураан авч эрүүгийн хэрэг нээсэн юм.
Дональд Трамп “америкийн газрын тосны лобби” хийгчдэд авлигын эсрэг зохицуулалтыг хүчингүй болгож бэлэг барив
Гардиан 2017.02.14. Газрын тосны компаниудыг гадаадын улс орнуудад төлсөн төлбөрөө мэдүүлэх зохицуулалтыг Трамп мягмар гаригт хүчингүй болгов. Додд-Франк-ын хуулийн дагуу Кардин-Лугар-ын нэртэй уг зохицуулалт нь санхүүгийн хямралын дараа бий болгосон ба өргөн хүрээтэй санхүүгийн асуудлыг зохицуулж байв.
Румын Улсын парламент авлигын эсрэг бүх нийтийн санал асуулга явуулах тухай батлав
Алжазера 2017.02.13. Румын Улсын парламент авлигын эсрэг бодлогын чиглэлээр үндэсний хэмжээнд санал асуулга явуулахыг зуун хувь дэмжив. Хуралд оролцсон 310 депутат бүгд Ерөнхийлөгч Йохане]-ийн санал болгосон төслийг дэмжив. Ерөнхийлөгч Йоханес нь авлигын эсрэг бодлогын хүчтэй дэмжигч нарын нэг юм.
Дональд Трамп авлигатай тэмцэх ажлыг сулруулж байна
Гардиан ком. 2017.02.12. Гадаадын төрийн албан хаагчийг хахуульдахын эсрэг хуулийг баталж хэрэгжүүлж эхэлснээс хойш 40 гаруй жил болжээ. Анх 1978 онд уг хуулийг баталснаар үндэстэн дамжсан корпорациудын авлига, хууль бус үйл ажиллагаатай тэмцэх ажилд АНУ нь тэргүүн эгнээд явав. Гэтэл Трамп Ерөнхийлөгчийн албыг хаших болсон дөрвөн долоо хоногийн хугацаанд дөчин жилийн хүчин чармайлтыг үгүй болгож байна.
Ерөнхийлөгч Зума авлигын талаар хэлсэн нь
Кэйп таун. 2017.02.10. Өнгөрсөн жил Прокурорын Ерөнхий газар нь 389 хэргийг шалгаж 349 сая рэнд[4] битүүмжилсэн байна. Ер нь бол 779 сая рэндийн 326 битүүмжлэх хүсэлт гаргасан.
Авлигад автсан намуудад Бразилийн парламент өршөөлийн хуулийн төсөл баталжээ
Бразил 2017.02.08. (plus55). Уг хуулиар санхүүгийн тайлан мэдээллээ ил тод болгоогүй улс төрийн намуудад Сонгуулийн шүүх-ээс хариуцлага хүлээлгэх явдлыг хориглосон юм.
Францын Ерөнхийлөгч асан Никол Саркозийг шүүхэд дуудав
Франц 2017.02.07. (BBC). Сонгуулийн хууль бус санхүүжилтийн асуудалтай холбогдуулан тус улсын Ерөнхийлөгч асан Никол Саркози-ийг Францын шүүхэд дуудсан шийдвэр гараад байна.
Эх сурвалж: http://www.bbc.com/news/world-europe-38890993
Ройтерс. 2017.02.06. Перу Улсын Ерөнхийлөгч асан Алехандро Толедо Одебрехт компаниас олон сая ам.долларын хээл хахууль авч, эх орноо хууран мэхлэсэн тул хариуцлага хүлээх ёстой хэмээн Ерөнхийлөгч Педро Пабло Кучински ням гаригт мэдэгдсэн байна.
Гэрчийг хахуульдсан хэргээр Сильвио Берлускони шүүхэд дуудагдав
Итали 2017.01.28 (BBC). Насанд хүрээгүй залуу эмэгтэйтэй бэлгийн харьцаанд орсон хэргээ далдлах зорилгоор гэрчүүдийг хахуульдсан хэргээр Италийн Ерөнхий сайд асан Сильвио Берлускониг шүүхэд дуудсан байна. Шүүх хурал энэ оны 4 дүгээр сарын 5-ны өдөр эхлэхээр болжээ.
Хэргийн материалд дурдсанаар ноён Берлускониг насанд хүрээгүй биеэ үнэлэгчтэй бэлгийн харьцаанд орсон хэмээн буруутгаж байгаа аж.
Берлускони нь тус улсын Ерөнхий сайдын албан тушаалыг 4 удаа хашиж байсан бөгөөд “Forza Italia (Go Italy!)” намын тэргүүн юм.
Энэ удаагийн хэрэг нь тухайн үед Мароккогийн шөнийн цэнгээний газарт бүжигчин байсан гэх Карима Эль Махругийг 17 настай байхад нь бэлгийн харьцаанд орсон гэх хэрэгтэй холбоотой аж.
Гэрчийг өөрийн талд мэдүүлэг өгүүлэхийн тулд 2011-2015 оны хооронд 10 гаруй сая евро өгсөн эсэх асуудлаар шүүх хурал болох юм. Дээрх мөнгөн дүнгийн хагас нь Эль Махругд зарцуулагдсан хэмээн прокурорууд үзэж байгаа юм.
Берлускони нь мөн татвараас зайлсхийсэн зэрэг хэд хэдэн хэргүүдэд буруутгагдаад байгаа билээ.
Эх сурвалж : http://www.bbc.com/news/world-europe-38783586
Авлига, хүрээлэн буй орчин, хөдөлмөр, галт зэвсгийн асуудлаар Обамагийн үед орсон эрх зүйн зохицуулалтыг Сенат дахь Бүгд найрамдах намынхан өөрчлөх гэж байна
Ройтерс 2017.01.25. Эксон Мобил корпораци[3], Шеврон корпораци[4] зэрэг томоохон компаниудад хамаарах хээл хахуулийн эсрэг Обамагийн үеийн эрх зүйн зохицуулалтыг ирэх долоо хоногоос өөрчлөх нь тодорхой болоод байна. Зургаан жилийн турш эрх зүйн маргаан явагдсаны дүнд өнгөрсөн 6 дугаар сараас томоохон компаниуд гадаадын засгийн газарт төлсөн ямар нэгэн төлбөрийн талаарх мэдээллийг мэдүүлж байхаар хуульчилсан юм. Хүрээлэн буй орчин, галт зэвсгийн хяналт, хөдөлмөрийн харилцааны талаарх бусад зохицуулалтыг ч өөрчлөхөөр байна. Конгрессын хяналтын хуулийн дагуу Конгрессын олонхиор хуульд оруулсан нэмэлт, өөрчлөлтийг хүчингүй болгох боломжтой байна. Ерөнхийлөгч албан үүрэгтэй ормогц уг хуулийг ашиглах болно хэмээн Төлөөлөгчдийн танхимын олонхийн ахлагч, тус танхимын Бүгд найрамдах намын бүлгийн хоёр дахь нөлөө бүхий улс төрч Кевин Маккарти[5] мэдэгдсэн байна.
Эх сурвалж : http://www.reuters.com/article/us-usa-congress-regulation-idUSKBN1592AT