АНУ 2017.02.23 (Breitbart). Эрэн сурвалжлах сэтгүүлч, консерватив улс төрч Жеймс О'Кифийн удирддаг ашгийн бус “Project Veritas” байгууллагаас иргэний сэтгүүл зүйгээр дамжуулан авлигатай тэмцэх зорилгын хүрээнд хэвлэл мэдээллийн салбар дахь “авлига, хууль бус үйлдэл, гэмт хэргийн талаар” баталгаатай нотлох баримт өгсөн хүнд 10000 ам. долларын шагнал өгөхөө амлаад байна.
ХБНГУ 2017.02.23 (ODT). Холбооны, мужийн, орон нутгийн түвшинд төрийн байгууллагатай байгуулсан гэрээнээс нь авлига болон бусад зөрчил илэрсэн компанийн үйл ажиллагааг хязгаарлахын тулд үндэсний хэмжээний нэгдсэн мэдээллийн санг бий болгохоор Германы Эдийн засгийн яам ажиллаж байна.
Ирланд 2017.02.23 (Irish examiner). Ирландын цагдаагийн байгууллагын ажилтан 46 настай Жон О'Халлорэн[1] залилан, хулгай, хээл хахууль авсан зэрэг 212 гэмт хэрэгт буруутгагдан шүүгдэж байна.
Хонконг 2017.02.22. (Aljazeera). Авлигын хэргийн улмаас Хонконгийн удирдагч асан 20 сарын ял аваад байна. Хонконгийн Засаг захиргааны тэргүүний албыг 2005-2012 оны хооронд хашиж байсан 72 настай Доналд Цанг нь Азийн санхүүгийн төв болсон тус улсын түүхэнд шоронд хоригдохоор болж буй төрийн хамгийн өндөр албан тушаалтан болоод байна.
Израиль 2017.02.22 (HAARETZ). Израилийн Ашкелон хотын дарга Итамар Шимониг татварын зөрчил, итгэл эвдэх болон хээл хахуулийн гэмт хэрэгт буруутгаж албан тушаалаас нь түдгэлзүүлсэн хэмээн тус улсын Дотоод хэргийн сайд мэдэгдээд байна.
Шинэ Зеланд 2017.02.22 (Yahoo). Хээл хахуульд 1 сая гаруй доллар авсан Окландын Тээврийн менежер болон түүнд хахууль өгсөн бизнес эрхлэгч нарт ял оногдууллаа.
Малайз 2017.02.21 (The Star). Хөдөөгийн болон бүс нутгийн хөгжлийн яамны Төрийн нарийн бичгийн дарга асан Датук Мохд Ариф Аб Рахман өөрийн хамсаатан болох том хүүгийн хамт хээл хахуульд 200000 ам.доллар авсан хэрэгт буруутгагдав.
БНХАУ 2017.02.21 (The Standard). Бээжин дэх Коммунист намын дэд дарга асан Лу Сивэн-г авлигын хэрэгт буруутай болохыг нь тогтоож 13 жилийн ял оногдуулаад байна.
Хонконг 2017.2.19 (Aljazeera). Гэмт хэрэгт буруутай нь тогтоогдож буй Хонконг Улсын төрийн хамгийн өндөр албан тушаалтан болох Доналд Цанг-д 7 хүртэл жилийн хорих ял оногдуулж магадгүй болоод байна.Хонконгийн захирагч асан Доналд Цанг тус улсыг удирдаж байхдаа албан тушаалаа урвуулан ашиглаж, хээл хахууль авсан хэрэгт буруутай болохыг шүүхээс тогтоосон байна.
Ангол 2017.02.17 (MedАfrica times). Протугалийн нийслэл Лиссабон дахь авлигын хэрэгт холбогдуулан Анголын дэд Ерөнхийлөгч Мануэль Висенте-ийг протугалийн прокуророос буруутгасан талаар олон улсын агентлагууд мэдээлж байна.